Mark 15

MADANG jankonai jamero lapalap akan, ianaki jaumaj akan, o jaunkawewe kan, o pil jaunkapun karoj kapunada ap jaliedi Iejuj, ap wawei panalan Pilatuj. Pilatuj ap idok re a: Komui Nanmarki en Juj akan? A kotin japen majani on i: Komui me majani. Jamero lapalap akan karauneki i me toto. Pilatuj ap pil idok re a majani: Komui jota japen? Kom majani, me re kinakine on komui me toto. Iejuj pil jota kotin japen Pilatuj ap ponepone kida. Ari, ni kamadip o a kin lapwa on ir me jenjal amen, me re mauki. Ol amen, ad a Parapaj, me ian janjal ren me ian i kamela aramaj ni ar kauadar moromor eu. Pokon ap moronada,nidinideki, en wiai on irail, me a kin wiai on irail maj. Pilatuj ap japen irail majani: Komail men, i en lapwadan komail Nanmarki en Juj akan? 10 Pwe a aja, me jamero lapalap akan wakido i ar peirin. 11 A jamero lapalap akan kapururada pokon o, pwe en mauki lapwa on irail Parapaj. 12 Pilatuj ap japen pil majani on irail: Da me komail mauki i en wiai on me komail kaadaneki Nanmarki en Juj akan? 13 Irail ap wer laudeda: Kalopuela i! 14 Pilatuj ap majani on irail: Pwe jued da, me a wiadar? Re ap kalaudela ar wer: Kalopuela i! 15 Ari, Pilatuj men kainjenemaui aramaj oko, ap lapwa don irail Parapaj, ap kida Iejuj murin a woki, pwen kalopuela. 16 Jaunpei ko ap kalualan i nan pera eu me ad a pretorium. Re ap eker pena ar pwin. 17 Re ap kalikauwie kida i purpur o pidada al en tek, ap lanelanie kida. 18 Ap tapi on kepwene: Ion Nanmarki en Juj akan! 19 Re ap wokieki tapwi alek, o kondipe i, ap kelepuki, poridi jan. 20 A lao nek ar kapailok, re ap ki jan i purpur, ap kapur on udan japwilim a likau, kaluaieila, pwe ren kalopuela i. 21 Re ap iton on Jimon, men Kirene amen, me jam en Alekjander o Rupuj, me dauli irail ni a kodo jan nan jap, pwen wada a lopu. 22 Re ap walan i Kolkata. Iet wewe: Waja en pontal en mon. 23 Re ap ki on i, en kakere wain dol mir. Ari, a jota kotin urak. 24 Ni arail kalopuedar i, re ap ter pajan japwilim a likau ko. Re ap kadoropwe, da me amen amen pan aneki. 25 Ari, ni auer kajilu, me re kalopuela i. 26 O intin en poa me a pukoki due met: Nanmarki en Juj akan. 27 Lolap en pirap riamen ian i kalopuela; amen pali maun i, amen pali main i. 28 Iei me kijin likau pun kila, me inda: A wadawad on ren me dipan. 29 Ir me kin dauli, kin lalaue, dueduälok inda: Ei, koe me pan kawela im en kaudok, ap id kaua kida ran jilu. 30 Pein dore uk ala, o kodido jan nin lopu en! 31 Jamero lapalap akan pil dueta, kapailoke, inda nan pun ar ian jaunkawewe kan: A dorelar akai, a pein i a jota kak on. 32 Krijtuj Nanmarki en Ijrael, kodido jan nin lopu en, pwe je en kilan o pojon. O ira, me ian i lopu la ko, pil lalaue. 33 Ari, auer kawonu lel, rotorot ap kipadi jap lao lel auer kaduau. 34 Ni auer kaduau Iejuj ap kotin weriwer laudeda majani: Eloi, Eloi, lama japaktani! Iet wewe: Ai Kot, ai Kot! Da me re kotin kaje kin ia la! 35 Akai me u impa, ni arail ron inda: Kilan, a ekeker Eliaj. 36 Amen ap tanala, ale lim en pinika eu, ki on ni alek apot, ap kida on en kakere, ap inda: Udi maj! Kitail kilan, ma Eliaj pan kodo en kidi jan. 37 Iejuj ap kotin weriwer laudeda kadarala Ngen e. 38 Pera likau nan im en kaudok ap dei pajan, janeda pali poa lel pa. 39 O ni en jenturion o, me u jaledon, a kilan a wer laudeda due mo, ap kadarala Ngen e, a ap inda: Nan melel Japwilim en Kot aramaj men et. 40 Li akai pil mimi waja doo, kilekilanedo; Maria men Magdala, me mi nan pun ar, o pil Maria, in en Iakopuj, me tik, o en Iojej, o Jalome. 41 Me pil kin idauen papa i maj o, ni a kotikot Kaliläa; o pil me toto, me ian i kotida don Ierujalem. 42 Ari, ni a jautik penaer, pweki kaonop iei ran mon japat. 43 Iojep, men Arimatia amen, ap kodo, me jaunkapun ijou amen, me kin pil auiaui wein Kot, me jo majak koti don Pilatuj, poeki kalep en Iejuj. 44 Pilatuj ap puriamuiki, me a matalar, ap molipe don i jenturion o, ap kainoma re a, ma a matalar warai. 45 A lao mani jan ren jenturion o, a ap ki on kalep a ren Iojep. 46 A ap netiada likau linen mau, ap lapwadi i, kidimeki pena likau o, nekidedi i nan joujou eu, me weiweida nan paip, ap kadapuri on takai eu ni au en joujou o. 47 O Maria men Magdala o Maria in en Iojej kilan waja, re nekidedi i.

Copyright information for `PON