Mark 16

JAPAT lao daulul, Maria men Magdala o Maria in en Iakopujo Jalome netiada men kei pomau kai, pwe re en kodon keieki i. Nin joran nin tapin wik, re ap ko don nin joujou o, ni katipin a pwarada, Irail ap indinda nan pun arail: Ij me pan kadapure jan au en joujou o takai o re atail? Ari, ni ar kilan, re ap kilanada, me takai o tapure janer, pwe me kalaimun kaualap. Ni ar pedelon on joujou o, re ap kilan manakap amen momod pali maun, likauki likau puetepuet. Re ap majakada. A ap indan irail: Komail der majak! Iejuj, men Najaret me komail roporop, me kalopular, a iajadar. A jolar kot met. Kilan waja, re nekidedi ia. Komail kowei, kaireki a tounpadak kan o Petruj, me a pan tion mo omail koti won Kaliläa. I waja, komail ap pan kilan i, duen a kotin majani on komail. Re ap madaniei jan o tan jan nin joujou o, pwe re majapwekada rerer, re pil jota indai on meakot meamen, pwe re majapwekada. Ari, murin a iajada jankonai nin tapin wik a ap kotin pwar on maj Maria men Magdala, me a kotin kauje jan tewil ijimen. 10 A ap kola indai on irail me ian i ko maj, ni ar mamaiei o janejan. 11 Ni arail roner, me a iajadar, o me a kotin pwar oner i, re jota kamelele. 12 Muri a kotin pwar on riamen irail ni eu mom, ni ara kokolan nan jap. 13 Re ap kola indai on me tei kan. A re jota pil kamelele ira. 14 Mur a pil kotin pwar on ir ekamen oko ni ar momod tunotunol, ap kotin kapun on irail ar jopojon o kapitakai, pweki ar jota kamelele ir me kilan i murin a iajadar. 15 A ap kotin majani on irail: Komail ko on jappa u, padaki on aramaj karoj ronamau! 16 Meamen me pojon o paptaijola, pan dorela. A me jo pojon pan kariala. 17 A kilel pukat pan idauen ir, me pojon: Ni ad ai re pan kaujaki jan tewil akan, re pan lokaia toror. 18 Re pan kawela jerpent; ma re nimala men kamela kot, a jota pan kawe ir ala; irail pan pwil pa ar pon me jomau, re ap pan kelailada. 19 Ari, Kaun o lao kotin majani on irail mepukat, a ap peukadala nanlan o kotido on pali maun en Kot. 20 Irail ap kola, padapadak jili waja karoj. A Kaun o kotin ian dodok, kameleleki majan manaman me ian.

Copyright information for `PON