Mark 3

KADEKADEO a pil kotin pur on nan jinakoke. Ari, aramaj amen mia, me pa a motor. Irail ari majamajaneki, ma a pan kakelada i ni ran en japat, pwe irail en karaun i. I ari kotin majani on aramaj o, me pa a motor: Uda kodo met! A ap kotin majani on irail: Me pun, wia mau ni ran en japat de wia jued? Kamaur de kamela? Ir ari nenenla. I ari anian aupwili jili po ’rail, kupurokila ar kapitakai, ap kotin majani on aramaj o: Kapawei pa om! I ari kapawei. Pa a ap kelailada. Parijär oko ap madanalan ren ian en Erodej. Re ap kapakaparok duen ar pan kamatala i. A Iejuj kotin kapitawei jan pein i o japwilim a tounpadak kan, koti won liman jed. Pokon kalaimun ap idauen i jan Kaliläa, o Iudäa. O jan Ierujalem, o jan Idumäa, o jan palilan Iordan, o toun liman Tiruj o Jidon, pokon kalaimun, re ronada duen a kotin wiada manaman kaualap, re ap pokon don re a. A kotin majani on japwilim a tounpadak kan, kijin jop kij en kaonop on i, pweki pokon o, pwe re de koi don i. 10 Pwe a kotin kakelada me toto, irail ari pakoideda, pwe me jomau ko me jair i. 11 O ni ennen jaut akannar i, re pupedi mo i, weriwer, indada: Japwilim en Kot komui! 12 I ari kotin kalik irail edi, ren der kaireki i. 13 I ari kotidala nan nana o, ap molipei don i, me a kotin kupura, re ap poto don re a. 14 I ari kotin kileledi ekriamen, pwe re en ieian i, pwen poroporone ir jili padapadak. 15 O manamanla kakelada me jomau kan o kakauj tewil akan; 16 Jimon a kotiki on ad a Petruj. 17 O Iakopuj nain Iepedäuj, o Ioanej ri en Iakopuj, a kotiki on ad ara Poanerkej. Iet wewe: Nain nanjapwe. 18 O Andreaj, o Pilipuj, o Partolomäuj, o Matäuj, o Tomaj, o Iakopuj, nain Alpäuj, o Tadäuj, o Jimon men Kana, 19 O Iudaj Ijkariot, me panala i. 20 Irail ari ko don nan im eu. Pil pokon eu pokon pena. Irail ari jola kak mana. 21 Ni kompokepa ko ronada, re kodo, pwen wala jan i; pwe re inda, me a iakala. 22 A jaunkawewe ko, me kodido jan Ierujalem inda: A katia Peeljepup o jaumaj en tewil akan; iei me a kakaujeki tewil akan. 23 I ari molipe ir do, majani on irail ni karajeraj akan: Ia pan duen Jatan a kaujawei Jatan? 24 O ma toun wei eu u pena nan pun ar, wei o jota pan kak pwaida. 25 O ma penainai eu u pena nan pun ar, penainai o jota pan kak pwaida. 26 O ma Jatan u on pein i, a jota pan kak pwaida, a pan imwijokela. 27 Jota amen me pan kak ko on nan im en kelail amen kulia a kapwa, ma a jo jaliedi maj me kelail o. A ap pan kak kawela im a. 28 Melel I indai on komail: Dip akan karoj pan lapwa jan nain aramaj akan, o laue, me re lalaueki. 29 A meamen lalaue Ngen jaraui jota pan lapwada, a a pan puk on kamekam joutuk. 30 Pweki ar inda: A katianen jaut. 31 Ari in a, o ri a ol akan ap kodo, mi liki o iloke don. 32 A pokon me momod impa o ap potoan on i: Re mani, in ar o ri ar ol akan mimi liki kainoma komui. 33 A ap kotin japen irail majani: Ij in ai de ri ai kan? 34 A ap kotin aupwil jili po ’rail, me mod impa ko, majani: Kilan, in ai o ri ai ol akan! 35 Pwe meamen wiawia kupur en Kot, iei me ri ai ol o ri ai li o in ai.

Copyright information for `PON