Matthew 1

PUK en di kan, me Iejuj Krijtuj, me japwilim en Dawid, me japwilim en Apraam, tapi jan ia. Apraam me wiadar Ijaak, a Ijaak me wiadar Iakop, a Iakop me wiadar Iuda o ri a ol akan; A Iuda me wiadar Parej i Jara ren Tamar; a Parej me wiadar Ejrom, a Ejrom me wiadar Aram; A Aram me wiadar Aminadap, a Aminadap me wiadar Naajon, a Naajon me wiadar Jalmon; A Jalmon me wiadar Poaj ren Raap, a Poaj me wiadar Oped ren Rud, a Oped me wiadar Ieje: A Ieje me wiadar nanmarki Dawid, a Dawid me wiadar Jalomo ren li odi en Uriaj; A Jalomo me wiadar Reapeam, a Reapeam me wiadar Apia, a Apia me wiadar Aja; A Aja me wiadar Iojapat, a Iojapat me wiadar Ioram, a Ioram me wiadar Ujia; A Ujia me wiadar Iotam, a lotam me wiadar Aaj, a Aaj me wiadar Ijkia; 10 A Ijkia me wiadar Manaje, a Manaje me wiadar Amon, a Amon me wiadar Iojia; 11 A lojia me wiadar Iekonia o ri a ol akan ni anjaun arail jalilan Papilon. 12 Murin arail jalidi nan Papilon Iekonia me wiadar Jealtiel, a Jealtiel me wiadar Jerupapel; 13 A Jerupapel me wiadar Apiud, a Apiud me wiadar Eliakim, a Eliakim me wiadar Ajor; 14 A Ajor me wiadar Jadok, a Jadok me wiadar Akim, a Akim me wiadar Eliud; 15 A Eliud me wiadar Eliajer, a Eliajer me wiadar Matan, a Matan me wiadar Iakop; 16 A Iakop me wiadar Iojep, me likondeki Maria, me kaipwiedi Iejuj, me maraneki Krijtuj. 17 Di karoj jan ren Apraam lei Dawid me eijokpaieu; a jan Dawid lei arail jalidi nan Papilon di eijokpaieu; a jan arail jalidi nan Papilon lei Krijtuj di eijokpaieu. 18 Nan iet duen Krijtuj a kotin ipwidier: Ni anjau me in a Maria kijin nin on Iojep, a diarokadar, me a lijeanekier Ngen jaraui mon ara tu pena. 19 A a warok Iojep ol pun amen, ap jota men kanamenokala i, ap kupukupura, en rir muei jan i. 20 A ni a kotin madamadaue duen mepukat, kilan, tounlan en Kaun o pwara don i ni a aliman majani: Iojep nain Dawid koe, der majak, en ale om warok Maria, pwe Ngen jaraui me a lijean kidar. 21 A pan kaipwiedi jeri ol amen, me koe pan ki on mar a Iejuj, pwe a pan dorela japwilim a aramaj akan jan nin dip arail. 22 Mepukat karoj wiauier, pwen pwaida me lokido jan Kaun ren jaukop o, me majani: 23 Kilan jeripein makelekel o pan lijeanda, ap kaipwiedi jeri ol amen, irail ari pan ki on mar a Imanuel; iet wewe: Kot me kotin ieian kitail. 24 Iojep lao pirida jan a jaimok, ap kapwaiadar, me tounlan en Kaun o kotin kakalik on i o apapwali a likond. 25 A ap jota pweidi re a, lao a kaipwiedier japwilim a mejeni ol, ap kotiki on mar a Iejuj.

Copyright information for `PON