Matthew 11

KADEKADEO Iejuj lao kaimwijokela a majan on japwilim a tounpadak ekriamen, ap kotila jan waja o, pwen kaukawewe o padapadak nan ar kanim akan. A Ioaneij lao roner nan imaten wiawian Krijtuj, ap poronela a tounpadak kai. Kalelapok re a: Ir me pan kotido, de jen auiaui amen? Iejuj kotin japen majani on irail: Komail kowei kaireki Ioanej, me komail ron o kilan: Me majkun akan kin kilan waja, o me danidan kan kin alu, o me tuketuk kan kin makeladar, o me jalonepon kan kin ron waja, o me melar akan kin maureda, o ronamau kin loloki on me jamama kan. O meid pai, me jota pan makar kin ia. Mepukat lao kokola, Iejuj ap kotin tapiadar mamajani on pokon o duen Ioanej: Da me komail koieila en kilan nan jap tan? Alek pot, me kin dueduälokki an? De da me komail koieila en kilan? Aramaj amen nan likau muterok? Kilan, me kin likau kida likau muterok, kin mi nan im en nanmarki kan. De da me komail koieila en kilan? Jaukop amen? Ei I indai on komail a laude jan jaukop amen. 10 Pwe iei i, me intinidier: Kilan I kadarala mo ’mui ai men kadar, me pan koko al mo ’mui. 11 Melel I indai on komail, jota me ipwidi jan ren li akan, me laude jan Ioanej jaunpaptaij. Ari jo, me tikitik nan wein nanlan, iei me laude jan i. 12 A jan ni muein Ioanej jaunpaptaij kokodo lel met wein nanlan kokido eta manaman, ari me manaman akan kin koledi on irail. 13 Pwe jaukop karoj o kapun kokopadar lao lel Ioanej. 14 O ma komail men duki on, nan iei Eliaj, me pan kodo. 15 Me jalon a mia, men ron, i en ron! 16 A da me I en karajai on di wet? A raj on jeri kan, me kin momod nan wajan net akan o likelikwir on kij arail, 17 Indada: Kit kajan on komail, a komail, jota kakalek; kit kauleki on komail kaul en mamauk, a komail jota janejan. 18 Pwe Ioanej pwarado, ap jota kan o nim, a re kin inda: Nan tewil kin ti poa. 19 Nain aramaj pwarado, manamana o nim, a re kin inda: Kilan, me kaped en mana o kamom jakau, kompoke pan jaunopwei o me dipan akan, a lolekon o kin diarok kida na jeri ko. 20 A kotin tapiada kidaueda kanim akan, me a wiai oner manaman to to, aki re jota kalula: 21 Juedi on uk Korajin! Juedi on uk Petjaida! Pwe ma manaman akan, me wiaui on uk er, wiauier on Tiruj o Jidon, nan melel re pan pitipit kalula nan tuk en likau o nan paj. 22 A I indai on komail, a pan monai on Tiruj o Jidon ni ran en kadeik jan komail. 23 A koe Kapernaum, me paidar lel nanlan, pan pijikindi nan pweleko; pwe ma manaman akan, me wiaui on uk er, wiauier on Jodom, nan a pan mimieta lao lel ran wet. 24 A I indai on komail, a pan monai on jap en Jodom ni ran mi kadeik jan koe. 25 Ni anjau ota Iejuj kotin tapiadar majani: I kapina komui Jam, Kaun pan lan o jappa, me komui okila mepukat jan me lolekon o koiok kan, ap kajale on jeri pwelel akan. 26 Ei Jam ai, pwe iduen me komui kupukupura. 27 Meakaroj muei on ia er jan ren Jam ai, o jota amen, me aja japwilim a Ol, pwe Jam eta, o jota amen, me aja Jam, pwe japwilim a Ol eta, o me japwilim a Ol pan kajale on. 28 Komail karoj, me panadar o toutoular kodo re i I pan kamoleilei komail la. 29 Ale on komail ai iok, o padakki jan ia; pwe Ngai me opampap o karakarak melel, komail ari pan diarada kamol pannen omail. 30 Pwe ai iok me manai, o katoutou pai me marara.

Copyright information for `PON