Matthew 4

IEJUJ ap kotin kakaluadala ren Ngen nan jap tan, pwen jonejon ren tewil. A lao kotin kaijejolar ran panaul o pon panaul ap men jak. Men kajonejon ap pwara don i indada: Ma komui Japwilim en Kot, en majani, takai pukat en wiala prot. A kotin japen majani: A intinidier: Kaidin prot eta, me aramaj kin memaureki, pwe majan akan karoj, me kin pwili jan nin jilan in Kot. Tewil ap kalualan i nan kanim jaraui o kauada i pon konkon en kaudok, Indan i: Ma komui Japwilim en Kot, kajedi pein komui, pwe a intinidier: A pan kajilaki japwilim a tounlan kan komui, o irail pan wa komui ni lim ar akan, pwe aluwilu omui ede dipikelekel ni takai eu. Iejuj kotin majani on i: A pil intinidier: Koe der kajonejon Kot om Kaun. Tewil ap pil kaluadalan i pon nana ileile kaualapia eu o kajale on i wein jappa karoj o a linan, Indan i: Mepukat karoj i pan ki on komui, ma komui men poridi o poni on ia. 10 Iejuj ap kotin majani on i: Ko jan ia Jatan, pwe a intinidier: Koe en poni on Kot om Kaun, i eta koe en papa. 11 Tewil ap muei jan i, a kilan, tounlan kan ap pwarado papa on i. 12 A lao manier, me Ioanej jalidier, ap kotilan Kaliläa, 13 O a kotin muei jan Najaret, kotido kaukaujonla Kapernaum, me mi ni kailan jed impan jap Jepulon o Naptalim; 14 Pwen pwaida, me lokido ren jaukop Iejaia me majani: 15 Jap Jepulon o jap Naptalim, me jal on jed, palilan Iordan, o Kaliläa en men liki kan, 16 Aramaj akan, me momod nan rotorot, kilaner marain lapalap eu, o irail me momod nan jap en mot en mela, marain eu dakar irail adar. 17 I dokan Iejuj kotin tapiadar padapadak o mamajani: Kalula, pwe wein nanlan korendor. 18 A lao kotikot jili pon oror en lein Kaliläa, ap majanier pirien eu, Jimon, me adaneki Petruj, o ri a Andreaj, me kadukaduedi ara uk nan jed, pwe ira me jaujed. 19 A ap kotin majani on ira: Idauen ia do, I pan wia kin koma jaujed en aramaj! 20 Ira madan muei jan uk akan o idauenla i. 21 A ni a kotila jan waja o, ap pil majani eu pirien, Iakopuj, nain Jepedäuj o ri a Ioanej, me mi nin jop ren jam ara Jepedäuj, wonewone ara uk akan. I ari kotin molipe ira do. 22 Ira madan muei jan jop o jam ara ap idauenla i. 23 Iejuj ari kotin kakan jili nan Kaliläa kaukawewe nan arail jinakoke kan o padapadak ronamau en wei, o kotin kakelada jon en jomau o luet akan karoj nan pun en aramaj akan. 24 I ari indant jili nan Jirien pon. O irail wa don i me jomau kan karoj, me aneki jon en jomau o wairok kai, o me tewil ti poa kan, o me pwepwe kan, o me rerer akan, i ari kotin kakela ir ada. 25 Pokon kalaimun me idauenla i jan Kaliläa o Dekapolij, o Ierujalem, o Iudäa, o jan palilan Iordan.

Copyright information for `PON