Psalms 101

I pan kauleki duen kalanan o pun; i pan kauleki pjalm akan on komui. Main leowa.
I men inen eweita ni al pun iad kom pan koti don ia? i men weweid ni melel ren toun im ai.
I jota men wia morjued; i tataki wiawian me dipan akan, a jota pan pat on ia.
Monion japun pan muei jan ia; i jota men aja duen me jued.
Me kin rir karaunemali men impa, i pan kamela; i juedeki me aklapalap ni maj ar o monion arail.
Maj ai pan apapwali me melel akan nan jap o, pwe ren kaujon re i; me kin weweid ni al pun, pan papa ia.
Me kin kotaue, jota pan kaujon nan im ai, me kin likam, jota pan pwaida mon maj ai.
Ni manjan karoj i pan kawela me katiwo nan jap o, pwen kokojan kanim en leowa karoj, me kin wia japun.
Copyright information for `PON