Psalms 16

MAING Kot, kom kotin jinjila ia, pwe i liki komui.
NGai potoan on Ieowa: Komui ta ai Kaun, jota eu pai, me i aja, pwe komui eta.
O I kin indan jaraui kan, me kin mi nan jappa: Met akan pwin ijou, me I kin pokepoke jan ni monion i.
A irail me kin idedauen amen, pan lodi on apwal toto. I jota mauki arail mairon, me doleki nta, de mar arail I jota pan inda.
A Ieowa ai pai o ai peren; Komui kin kolekol ai jojo.
I diaradar ai pwaij en jap kajelel eu, ei pai kajelel eu, me i jojokier.
I kapina Ieowa, me kotin kalolekon ia; pil ni pon mudilik i kan kin padaki on ia.
I kin ariri Ieowa anjau karoj, pwe a kotikot ni pali maun i, i ap jota pan luetala.
I me monion i kin peren kida, onen i kin popol, pwe pil pali uduk ai pan moleilei.
10 Pwe kom jota pan kotin mauki, nen i en mimieta nan wajan mela, o kom jota pan mueid on, me japwilim omui jaraui men pan mor pajan.
11 Kom kin kotin kaaja kin ia al maur; peren lapalap mi mon jilan omui, o meid linan ni pali maun en lim omui kokolata.
Copyright information for `PON