Psalms 33

KOMAIL me pun kan polauleki Ieowa, me lelapok kan en kapina i.
Danke Ieowa o kapikapina ki men kajan o kaule ki on i jal en arp eijok.
Kauleki on i kaul kap pot, komail kanai on arp onil!
Pwe maj an en Ieowa me inen o a wiawia kan karoj melel.
A kin kotin pok on me pun o melel, jappa direki kalanan en Ieowa.
Nanlan wiaui kida majan en Ieowa o audepan a karoj kinen en jilan i.
A kotin kolekol pena pil en madau dueta nan dal eu, o a kotin nekidala ad akan nan waja rir.
Jappa karoj en lan Ieowa o karoj me kaukaujon nan jappa en wauneki i.
Pwe ma a kotin majanta, ap pan wiaui, o ma a kotin panokada, ap pan miela.
10 Ieowa kin kotin kawela kapun en men liki kan, o a kin kawukila madamadaua en wei kan.
11 A me Ieowa kileledier, pan duedueta, o me a kotin kupurada, pan kokolata.
12 Meid pai wei o, me Ieowa ar Kot, o wei, me a kotin piladan a jojo.
13 Ieowa kin kotin ireron aramaj akan karoj jan nanlan.
14 A kotin ireron karoj, me kaujon jappa jan mol a teneten.
15 A kotin wiadar monion arail karoj, o a kotin mani ar wiawia kan karoj.
16 Nanmarki amen jota pan pwai kida a karij toto, o ol komad amen jota pan dore kila a kelail.
17 Oj akan pil jota kak jauaja ekij o a kelail melel jota kadepa.
18 Kilan, jilan en Ieowa kin ireron on me lan i, o me kaporoporeki a kalanan.
19 Pwen kapit ir ala jan ni mela o katekatunole ni anjau en lek.
20 NGen atail kin auiaui Ieowa, i me jauaj patail o pere patail.
21 Pwe monion atail kin peren kida i, pwe kitail kin liki mar a jaraui.
22 Main, Ieowa, omui kalanan en mi po at duen at kaporoporeki komui.
Copyright information for `PON