Psalms 49

Komail kainok kan karoj ron o dedeki, komail toun jap karoj.
Ir karoj, aramaj o jaupeidi, ir karoj me kapwapwa o jamama kan!
Au ai pan kaparok duen lolekon, o monion I duen lamalam pun.
I pan kapaike don jalon ai lepen majan, o i pan kajaleda me rir akan ninil en arp.
Da me i en majak ni ran apwal akan, ma me japun kan kapil ia pena,
Me kin kaporoporeki ar dipijou o juaiki ar kapwa toto?
Pwe jota me kak dorela ri a, de tomeki i ren Kot,
(Pwe meid apwal, en dorelanen ar; a jota pan pwaida kokolata).
Pwen maur potopot o jota kilan joujou o.
10 Pwe a kin kilan, me lolekon kan kin mela dueta me pweipwei o iakalar akan, o re pan mueid on amen ar dipijou kan.
11 I me re kin peren kida, ma im arail pan duedueta, o deu ’rail pan mimieta kokolata; o re konekon melel nin jappa.
12 Ari jo, aramaj me konekon jota kak mimieta ni mepukat, pwe a pan kokowei dueta man amen.
13 let ar wiawia pukat meid pweipwei; ari jo, kadaudok ar kin kapina ki au arail.
14 Re wonon nan wajan mela dueta pwin jip; mela kin kamana ir; a me lelapok kan pan kaun irail da madan, o mom ar pan joredi, o re pan doo jan deurail, mimieta nan pweleko.
15 A Kot pan kotin dorelanen i jan nan mana en wajan mela, pwe a pan kotin japwilimane kin ia.
16 Koe der puriamuiki, ma amen pan kapwapwala, o ma linan en im a pan laudala.
17 Pwe a jota pan wala meakot ni a pan mela, o a linan jota pan idauenla i.
18 A kin injenemau kila peren en maur kajelel wet, o aramaj kin kapina ir, me kin apapwali pein ir eta ni maur et.
19 A pan idauen la jam a kan, ap jolar kilan marain kokolata.
20 Ari, ma aramaj amen indand mau, ap jota a lamalam, a pan kokowei dueta man amen.
Copyright information for `PON