Psalms 51

MAING Kot, kom kotin maki on ia duen omui kalanan, o kotin lapwada dip ai duen ar kalanan lapalap.
Kom ketin widen ia jan ai wiawia japun, o kotin kamakel ia da jan ni dip ai.
Pwe i aja duen ai wiadar me jued, o dip ai me janjal on ia anjau karoj.
On komui eta me I wiai dip on, o wiadar japun mon jilan omui, pwe komui me pun eta ni omui majan akan, o komui makelekel eta ni omui pan kadeikada.
Kotin majani, me I ipwidier ni japun, o in ai ape kin ia dar ni man en dip.
Kotin majani, kom kin kotin mauki melel, me mi waja rir; kom kin kajale on ia lolekon rir.
Kom kotin kamakele kin in Ijop, pwe i en minla, widen ia, pwe i en puetepueteta jno.
Kom kotiki on ia peren o popol, pwe kokon ai kan, me kom kotin kawelar, en injenemaula.
Kom kotin jopwei jan dip a kan, o kotin lapwada ai japun karoj.
10 Main Kot, kom kotin wiai on ia monion makelekel, o kotin kawiliakapwadanen i.
11 Kom der kaje ia la jan mon jilan omui o der kotiki jan ia ar NGen Jaraui.
12 Kom kotin pur on kamait ia la ki omui jauaja ia, o kotiki on ianen en kaperen.
13 I pan padaki on me katiwo kan duen al omui kan, pwe me dipan akan en wuki on komui.
14 Main Kot, kom kotin dore ia la jan dip en nta, pwe komui Kot ai jaunkamaur, pwe lo i en kapina omui pun.
15 Main leowa, kom kotin kajar pajan kilen au ai, pwe au ai en kapikapina komui.
16 Pwe kom jota kotin mauki mairon kamela a ma iei, i pan wiada o mairon ijij kom jota kotin kupura.
17 A iet mairon, me Kot kin kotin kupura: NGen olar, o monion injenjuedalar, o karakarak, iei me komui Main Kot jota pan kotin mamaleki.
18 Kom kotin jauaja Jion ki omui kalanan, kotin kauada kel en Ierujalem.
19 Komui ap pan kupura mairon pun, mairon ijij o mairon unjok. I anjau me kau ol pan ijeda pon japwilim omui pei jaraui.
Copyright information for `PON