Psalms 77

I KIN likwirkinil ai on Kot, on Kot, me i pan likwir on, o i me kotin mani ia.
Ni ai anjau apwal, i kin rapaki leowa; ni pon pa i kin u wei o jota kin dukedi, pwe wen I jota kak injenemaula.
Ni ai tamanda Kot, i kin ajenokida, ni ai madamadaua,nen i kin luetala.
Kom kin kotin kolekol por en maj ai, pwe ira en papat;nai inen en luet, jolar itar on lokaia.
I kin lamelame duen ran en maj akan, duen par akan me jamalar.
Ni pon i kin lamelame duen ai kajan arp, o monion i kin madamadaua;nen i kin raparapaki.
Kalelapok, leowa pan kotin onion kokolata, o a jota pan kotin maki on?
A kalanan rojelar melel, o a inau imwijokalar kokolata?
Kot kotin malielar a mak on kit, o a karirikilar onion a kalanan?
10 Ari jo, i indadar: Mepukat me mau on ia; pali maun en lim en me Lapalap pan kak dorela meakaroj.
11 I me i kin taman kida wiawian leowa; melel i kin tamanda omui manaman akan jan maj o,
12 O madamadaua duen omui wiawia kan karoj, o kilekilan duen omui dodok.
13 Main Kot, al omui me pun. Ia waja amen Kot manaman mia dueta Kaun o?
14 Komui ta Kot me kin wia manaman akan. Komui kotin kajanjaledar omui manaman nan pun en wei kan.
15 Komui kotin dore kila japwilim omui kan omui manaman, iei jeri en Iakop o Iojep akan.
16 Pil akan ariri komui, Main Kot, pil akan ariri komui, rap majapwekadar, o waja lol rererdar.
17 Tapok kalaimun akan kamoredier pil, tapok kan wiadar nanjapwe, o liol piripir jili.
18 Nanjapwe wiauier nanlan; japwilim omui liol akan kamaraini jappa; jappa mokieda o rerer.
19 Al omui mi nan madau, al omui tatik nan pil kalaimun akan, o jota me kaan aluwilu omui.
20 Kom kotin kalua japwilim omui kan dueta pwin eu ren Mojej o Aron.
Copyright information for `PON