Psalms 81

KOMAIL pereperen kauli on Kot, me kel patail;nijinij on Kot en Iakop!
Tapia kida kaul en kapin, o wiada tampurin, o laute kajelel ianaki arp!
Ni jaunipon kap komail peuk koronete, ni maram, ni ran en im tantuka!
Pwe iduen tiak en Ijrael kujoned en Kot en Iakop eu.
A kotin wiadar kujoned wet on Iojep, ni a lipa jan Akipten. I roner majan pot, me i jaikenta aja:
I kijaner katoutou kan pon apar a, o pa a jaladokalar jan kopu kan.
Ni om likwirki don ia om apwal, I ap jauaja uk; I kajale dok uk alar, ni anjau me koe lel on nanjapwe, o on jojon uk ni pil en akamai.
Komail nai aramaj akan ron ia, I pan padaki on komail! O Ijrael, ma koe pan peiki on ia!
Jota amen Kot en mi re om, o koe der kaudoki on kot en men wai amen.
10 NGai Ieowa om Kot, me kalua uk jan nan Akipten. Ki pajan au om, i pan kadirela.
11 A nai aramaj akan joata kin peiki onnil ai, o Ijrael jota duki on ia.
12 I ari mued on irail ere injen arail ni ar aklapalap, pwe ren kekeid wei ni pein arail lamelam.
13 O ma nai aramaj akan pan peiki on ia, o Ijrael pan weweid nan al ai kan,
14 I ap pan kaloedi ar imwintiti kan madan, o pa i pan u on me pali on irail akan,
15 O irail me kailonki Ieowa, jota pan kak on irail; o anjaun arail pakadeik pan duedeuta kokolata;
16 O I pan kamana kin irail korn kajelelia, o I pan katunole kin I onik jan nan paip o.
Copyright information for `PON