Psalms 91

ME kin momod pan lim en me lapalap, o me pan mimieta pan mot en me manaman o.
Iei me kin indan leowa: Ai paip, o ai kel, ai Kot, me i liki.
Pwe a pan kotin dore uk jan injar en jauninjar, o jan ni kilitop jued.
A pan kotin kadupal kin uk edi lim a, o koe pan moleilei pan lim a kan; a melel rajon kadauk o pere eu.
Koe jota pan majak kalom en ni pon, de kananan kajik katieu, me kin tan wei nin ran,
De kilitop, me kin wawai jili pon, de eu jon en kilitop me kin kaukawela nin jauaj.
Kid pan mela imp om, o nen ni pali maun om, ap jota pan lel on uk.
Koe pan kilanki maj om kan, o koe pan kilan duen a pan depuk on me doo jan Kot akan.
Pwe komui Main leowa, kapore pa i. Koe piladar me lapalap o, pwen om kel.
10 Jota me jued kot pan lel on uk, o jota kalokolok pan lel on im om.
11 Pwe a kotin kakaliki on japwilim a tounlan kan, en apapwali uk o jinjila uk nan al omui kan karoj.
12 Re pan wa kin uk ala lim ar akan, pwe na om ender dipikelekel nin takai eu.
13 Koe pan tiakedi laien o oter kai, laien pulepul o jerpent, me koe pan jok poa.
14 A kin peren kin ia, I ap pan jauaja i, a aja mar ai, I ap pan jinjila i.
15 A pan likwir don ia, I ap pan japen i, I pan ian i ni waja apwal, I pan kapitila i o kalinanada i.
16 I pan kamedi kin i maur warai, o I pan kajale on i ai jauaj.
Copyright information for `PON