Psalms 92

IET me kajampwal: Danke leowa, o kauleki pjalm akan on mar omui, ir me kotin lapaplap.
Ni manjan omui kalanan o ni pon omui melel en lolok jili.
Jan kajan jal eijok o arp o laute.
Pwe kom kotin kaperen kin ia, Main leowa ki ar wiawia; i pannijinijki dodok en lim ar akan.
Meid laud ar wiawia kan, Main leowa! O meid lol kupur omui!
Aramaj pweipwei men jota kak dedeki mepukat, o me rotorot amen jota kin injenoki.
Me doo jan Kot akan kin wojada dueta ra, o me katiwo kan karoj kin majal pajan, lao re pan lokidokila kokolata.
A komui ta Main leowa, me lapalapia, o komui pan duedueta.
Pwe kom kotin mani duen ar imwintiti kan, Main leowa, kom kotin mani, ar imwintiti kan pan joredi, o me morjued akan en kamueit pajan.
10 A ai oje pan pwaida dueta oj en man oje tapot, o i pan keikidier le kap.
11 O por en maj ai pan perenki ai imwintiti kan, o jalon ai pan polauleki me morjued akan, me kin palian ia.
12 Me pun o pan pwaida mau dueta ni pot, a pan kakairida dueta jeder en Lipanon.
13 Me patidier nan tanpaj en leowa, pan pwaida mon pera jaraui en atail Kot.
14 Menda ma re pan mala, pwe re pan pil majal pajan, o wa, o kelail.
15 Pwe re pan kajaleda, me Kot me pun, i ai paip o jota japun mi re a.
Copyright information for `PON