a36.4 Ser. 22.11-12.
b36.5 Ser. 22.18-19; 26.1-6; 35.1-19.
c36.6 Ser. 25.1-38; 36.1-32; 45.1-5; Dan. 1.1-2.
d36.10 a Ser. 22.24-30; 24.1-10; 29.1-2; Esek 17.12; b Ser. 37.1; Esek. 17.13.
e36.11 Ser. 27.1-22; 28.1-17.
f36.13 Esek. 17.15.
g36.17 Ser. 21.1-10; 34.1-5.
h36.19 1 Nan. 9.8.
j36.21 Ser. 25.11; 29.10.
l36.23 Ais. 44.28.

2 Chronicles 36

Soahas Nanmwarkien Suda

(2 Nanmwarki 23.30-35)

Mehn Suda pilada Soahas, sapwellimen Sosaia pwutako, oh keiehdi pwehn wiahla nanmwarki nan Serusalem. Soahas sounpar rieisek siluh ni ahnsou me e wiahla nanmwarkien Suda, oh e kakaunki nan Serusalem erein sounpwong siluh. Neko, nanmwarkien Isip salihedi oh walahng Isip oh koasoanediong mehn Suda en nohpweikihong paun 7,500 silper oh paun en kohl 75. Neko ketin kasapwilada Elaiakim rien Soahas pwehn wiahla nanmwarkien Suda oh wekidala mware sang Elaiakim ong Sehoiakim. Neko ketikilahng Soahas nan Isip. a 

Sehoiakim Nanmwarkien Suda

(2 Nanmwarki 23.36—24.7)

Sehoiakim sounpar rieisek limau ni ahnsou me e wiahla nanmwarkien Suda, oh e kakaunki nan Serusalem erein sounpar eisek ehu. E wiahda dihp ong KAUN-O, eh Koht. b  Nepukadnesar, nanmwarkien Papilonia, eri mahweniong Suda, kalowehdi Sehoiakim, salihedi, oh ketikilahng Papilonia. c  Nepukadnesar ketikihsang ekei dipwisoun nan Tehnpas Sarawio oh ketikilahng nan tehnpese nan Papilon. Mehkoaros me Sehoiakim wiahdar, iangahki tiahk saut kan me e kin wiewia oh suwed me e wiahda, wie ntinting nan Pwuken Poadopoad en Nanmwarki kan en Israel oh Suda. Sapwellime pwutak Sehoiakin me uhd wiliandi wiahla nanmwarki.

Sehoiakin Nanmwarkien Suda

(2 Nanmwarki 24.8-17)

Sehoiakin sounpar eisek waluh ni eh wiahla nanmwarkien Suda, oh e kakaunki nan Serusalem erein sounpwong siluh oh rahn eisek. E pil wiahda dihp ong KAUN-O. 10 Ni imwilahn ahnsoun kopou, Nanmwarki Nepukadnesar ahpw ketin salihedi Sehoiakin oh ketikilahng Papilon iangahki dipwisou kesempwal akan en nan Tehnpas Sarawio. Nepukadnesar eri kasapwilada Sedekaia, ulepen Sehoiakin, pwe en uhd wiahla nanmwarkien Suda oh Serusalem. d 

Sedekaia Nanmwarkien Suda

(2 Nanmwarki 24.18-20; Seremaia 52.1-3a)

11 Sedekaia sounpar eisek ehu ni ahnsou me e wiahla nanmwarkien Suda oh Serusalem, oh e kakaunki nan Serusalem erein sounpar eisek ehu. e  12 E wiahda dihp ong KAUN-O oh sohte men rong soukohp Seremaia ni karakarahk, me kin patohwanda mahsen en KAUN-O.

Pwupwulahn Serusalem

(2 Nanmwarki 25.1-21; Seremaia 52.3b-11)

13 Sedekaia kahngohdiong Nanmwarki Nepukadnesar, me idingohng en kahukihla ni mwaren KAUN-O me e pahn loalopwoat. E ahpw keptakaila sohte men koluhla oh sohpeiong KAUN-O, Koht en Israel. f  14 Pil likin met, kaun akan en Suda, samworo kan, oh aramas akan pil idawehnla karasepe suwed en wehi kan me kapilirailpene me kin kaudokiong dikedik en eni kan, irail eri kasaminehla Tehnpas Sarawio, me pein KAUN-O ketin kasarawialahr. 15 KAUN-O, Koht en ar pahpa kahlap ako, ketin usehlahte kadakadarodohng irail soukohp kei pwe re en kapehm sapwellime aramas akan, pwehki eh kupwurki kamourirailla, oh doarehla Tehnpas Sarawio. 16 Ahpw irail kouruhrki sapwellimen Koht meninkeder kan, sohte men rong sapwellime mahsen oh kouruhrki sapwellime soukohp kan; ni imwilah KAUN-O ahpw engiengda kowahlap pahn sapwellime aramas akan kahrehda sohte me kak pitsang.

17 KAUN-O eri ketikihdo nanmwarkien Papilonia pwehn mahweniong irail. Nanmwarkio eri kemehla mwahnakapw akan en Suda iangahki irail kan me patopato nan Tehnpas Sarawio. Sohte mehmen me e ketin kupwur mahkohng, me pwulopwul de mah, ohl de seri, me soumwahu de kehlail. Koht ketikihong irail pahn manaman en nanmwarkien Papilonia. g  18 Nanmwarkien Papilonia eri ketikihsang dipwisou kan en nan Tehnpas Sarawio, mwohni, oh pil ketikihsang en nanmwarkio oh sapwellime lapalap akan ar dipwisou kan, oh ketikilahng soahng koaros nan Papilon. 19 E isikala Tehnpas Sarawio oh kahnimwo, iangahki tehnpesen nanmwarki kan oh kepwe kan, oh kauwehla kelen kahnimwo. h  20 E ahpw ketikihla me momour kan nan Papilonia, wasa me re kin papah ih oh kadaudoke kan nin duwen lidu kei lao lel ni tepin mwehi kehlail en Persia. 21 Iei duwen mahsen en KAUN-O eh pweidahr me soukohp Seremaia lohkidahr: “Sahpwo pahn tehnla erein sounpar isihsek, pwehn kapwungala kommoal en Sapad
 KOMMOAL EN SAPAD: Kosonned me pid keisuhn sounpar koaros me sohte aramas pahn kin koadoahke sahpwo (tehk Lip 25.1-7.)
ko me re sohte kawauwih.” j 

Sairus Koasoanehdi mehn Suhs en Sapahldo

(Esra 1.1-4)

22 Nin tepin sounpar me Sairus, wiewiahki nanmwarki lapalap
 NANMWARKI LAPALAP: Sairus, nanmwarkien Persia kalowehdi oh kousoanla nan kahnimw Papilon ni pahr 539 mwohn Krais oh ketin tapihada kakaun nin duwen nanmwarki lapalap emen en wehin Papilonia.
en Persia, KAUN-O ahpw ketin kapwaiada sapwellime mahsen me soukohp Seremaia lohkidahr. KAUN-O ketin kamwakidada kupwur en Sairus pwehn lohkihda koasoandi wet me pekederpeseng oh wadawadada wasa koaros nan sapwellime wehi:

23 “Met iei koasoandien Sairus, nanmwarki lapalap en Persia. KAUN-O, Koht en nanleng, ketin kupwuredahr pwe I en wiahla kaunen sampah pwon, oh ketikihong ie pwukoahn kauwada ehu tehnpese nan Serusalem nan Suda. Eri, kumwail koaros me wia sapwellimen Koht aramas, en patohla wasao, oh KAUN-O, amwail Koht en ketin ieiang kumwail.” l 

Copyright information for `PON2006