a146.6 Wie. 4.24; 14.15.

Psalms 146

Kapingpen Koht atail Sounkomour

Kapinga KAUN-O!
Ngeni, kapinga KAUN-O!
I pahn kapinga KAUN-O erein ei mour;
I pahn kokouliong ei Koht erein ei mour unsek.

Kumwail dehr koapworopworki me lapalap en sampah kan;
pwe sohte emen tohrohr kak komourkumwailla.
Ni ar kin mehla, re kin pwurehng wiepwella;
oh ni ahnsowohte, ar koasoandi kan kin imwisekla.

Meid pai aramas me Koht en Seikop kin ketin sewese
oh me kin koapworopworki KAUN-O eh Koht,
sounkapikada nanleng, sampah, oh madau kan,
oh audeparail kan koaros.
E kin ketin kapwaiada sapwellime inou kan ahnsou koaros; a 
e kin ketin sewese pwungen me toutoulahr akan
oh kin ketin katungoale me duhpeklahr akan.

KAUN-O kin ketin kasaledekala me sensel kan
oh kin ketin kapehdpeseng mesen me maskun kan.
E kin ketin pwekada me pwupwudi kan;
e kin ketin poakohng sapwellime aramas pwung kan.
E kin ketin sinsile mehn liki kan me kin kousoan nan sapwatail;
e kin ketin sewese liohdi kan oh me sepwoupwou kan,
a e kin ketin kauwehla koasoandien aramas suwed akan.

10 KAUN-O pahn ketin nanmwarki kohkohlahte!
Saion, omw Koht pahn kakaun kohkohlahte!

Kapinga KAUN-O!
Copyright information for `PON2006