Psalms 26

Kapakap en Aramas Mwahu
 TITLE NI MAHSEN EN IPRU: En Depit.

Maing KAUN, komw ketin kalohkihda duwen eh sohte dipei,
pwehki ei kin wia dahme pwung
oh likih komwi mehlel.
Maing KAUN, komw ketin sohng ie oh kasawih ie;
komw ketin kadeikada duwen ei ineng kan oh lamalam akan.
Sapwellimomwi limpoak poatopoat me kin wia kaweidpei;
sapwellimomwi loalopwoat kin kahluwa ie ahnsou koaros.

I sohte kin patehng aramas sokatepe kan;
sohte ahiong me liksansalmwahu kan.
I kin tatki patehng aramas suwed kan
oh kin pohnsehse aramas suwed kan.

Maing KAUN, I kin kamwakele pehi kat pwehn kasalehda me sohte dipei,
oh kin wia ei kaudok kapil sapwellimomwi pehi sarawi.
I kin koulki koulen kasapahlkalahngan
oh koasoia wiepen nin limomwi kapwuriamwei kan.

Maing KAUN, I patohwan poakohng wasa me komw kin ketiket ie,
wasa me sapwellimomwi lingan kin ket ie.
Komw dehr ketin kauweiehla duwehte me dipan akan;
komw dehr ketin kalokei ie duwehte sounkam aramas akan—
10 soangen aramas akan me kin wia me suwed ahnsou koaros
oh kin ononop en widinge meteikan ahnsou koaros.

11 A duwen ngehi, I kin wia dahme pwung;
komw kupwurkalahngan ong ie oh doareiehla.

12 I kin nekinekmwahu sang soahng keper koaros;
I kin kapinga KAUN-O mwohn pokon en sapwellime aramas akan.
Copyright information for `PON2006