b53.1-3 Rom 3.10-12.

Psalms 53

Suwedlahn Aramas akan
 TITLE NI MAHSEN EN IPRU: En Depit koul.

(Melkahka 14)

Me pweipwei kan kin mengimengloalki,
“Sohte katepen Koht.”
Irail koaros me suwedlahr,
pwe re kin wiahda mehkan me suwehdie;
sohte mehmen me kin wia me mwahu. b 

Koht kin ketin ireirong aramas akan sang nanleng
pwe en mahsanih ma mie me loalokong,
oh ma mie me kin kaudokiong ih.
Ahpw irail koaros sohpeisangehr;
irail koaros me suwed.
Sohte mehmen rehrail me kin wia me mwahu,
sohte mwahn mehmen.

Koht ahpw ketin keinemwe, “Ia duwe, re sohte ese?
Irail pwukat koaros me kin wia me suwed, re soaloalokong?
Re kin momourki ar kin piripirapa nei aramas akan,
oh re sohte kin kapakapohng ie.”

Ahpw re pahn masepwehkada,
ni soangen masepwehk ieu me sohte kin lel irail sang mahs kohdo,
pwe Koht pahn ketin kamwarakpeseng tihn imwintihti kan en sapwellime aramas akan.
Koht ketin soikirailla sang reh,
Israel eri pahn kaloweiraildi douluhl.

Ia uwen ei kapakap pwe komourpen Israel
en pwarodo sang Saion.
Ia uwen peren me mehn Israel kan pahn wia
ni ahnsou me Koht pahn pwurehng kapaiairailda!
Copyright information for `PON2006