a6.16-19 Eks. 6.16-19.

1 Chronicles 6

Irekidien Peneineien Samworo Lapalap akan

Lipai naineki pwutak silimen: Kerson, Kohad, oh Merari. Kohad naineki pwutak pahmen: Amram, Isar, Epron, oh Ussiel. Amram naineki pwutak riemen: Aaron oh Moses, oh serepein men, Miriam.

Aaron naineki pwutak pahmen: Nadap, Apihu, Eleasar, Idamar.
Kadaudok en Eleasar sang ehu dih lel ehu: Pineas, Apisua, Pukki, Ussi, Seraia, Meraiod, Amaraia, Ahidup, Sadok, Ahimas, Asaraia, Sohanan, 10 Asaraia, (iei ih me kin papah nan Tahnpas Sarawio me Nanmwarki Solomon ketin kauwada nan Serusalem,) 2 11 Amaraia, Ahidup, 12 Sadok, Sallum, 13 Ilkaia, Asaraia, 14 Seraia, Sehosadak. 15 Nanmwarki Nepukadnesar kalipehla Sehosadak iangahki aramas teikan en Suda oh Serusalem me KAUN-O ketin kalipehla.

Kadaudok en Lipai Teikan

16 Lipai naineki pwutak silimen: Kerson, Kohad, oh Merari. a  17 Irail koaros naineki pwutak. Kerson me semen Lipni oh Simei; 18 Kohad me semen Amram, Isar, Epron, oh Ussiel; 19 oh Merari me semen Mahli oh Musi.

20 Iet akan kadaudok en Kerson sang ehu dih lel ehu dih: Lipni, Sahad, Simma, 21 Soha, Iddo, Sera, Seaderai.

22 Iet akan kadaudok en Kohad sang ehu dih lel ehu dih: Aminadap, Kora, Assir, 23 Elkana, Epiasap, Assir, 24 Tahad, Uriel, Usaia, Saul.

25 Elkana naineki pwutak riemen, Amasai oh Ahimod. 26 Iet akan kadaudok en Ahimod sang ehu dih lel ehu dih: Elkana, Sopai, Nahad, 27 Eliap, Seroham, Elkana.

28 Samuel naineki pwutak riemen: Soel, me mesenih, oh Apaisa, me tikitik.

29 Iet akan kadaudok en Merari sang ehu dih lel ehu dih: Mahli, Lipni, Simei, Ussa, 30 Simea, Akkaia, Asaia.

Sounkoul kan en Tehnpas Sarawio

31 Iet ohl akan me Nanmwarki Depit ketikihong re en kin apwalih koul nan wasahn kaudok en Serusalem mwurin Kohpwahn Inowo eh wisiklahng loale. 32 Re kin wiliwiliali ni ar doadoahk nan Impwal me KAUN-O kin ketiket loale erein ahnsou mwohn Solomon eh saikinte wiahda Tehnpaso. 33 Irekidien peneineien irail kan me ahneki doadoahk wet:

Peneineien Kohad: Eman, kaunen pwihn en koul keieu, iei ih nein Soel. Irekidien eh peneinei kodoudoulahng Seikop nin duwe met: Eman, Soel, Samuel,
34 Elkana, Seroham, Eliel, Toa, 35 Sup, Elkana, Mahad, Amasai, 36 Elkana, Soel, Asaraia, Sepanaia, 37 Tahad, Assir, Epiasap, 38 Isar, Kohad, Lipai, Seikop.

39 Asap me kaunda pwihn en koul keriau. Irekidien eh peneinei kodoudoulahng Lipai nin duwe met: Asap, Perekaia, Simea, 40 Maikel, Paaseia, Malkaisa, 41 Edni, Sera, Adaia, 42 Edan, Simma, Simei, 43 Sahad, Kerson, Lipai.

44 Edan sang peneineien Merari me wia kaunen sounkoul kesiluh. Irekidien eh peneinei kodoudoulahng Lipai nin duwe met: Edan, Kisi, Apdi, Malluk, 45 Asapaia, Amasaia, Ilkaia, 46 Amsi, Pani, Semer, 47 Mahli, Musi, Merari, Lipai.

48 Iengarail mehn Lipai ko ahneki pwukoah doadoahk teikan ni wasahn kaudoko.

Kadaudok en Aaron kan

49 Aaron oh kadaudoke kan kin patohwanda meirong en warpwohmwahu oh meirong isihs pohn pei sarawio. Irail me kin pwukoahki wiepen kaudok koaros nan Wasa Sarawiheo oh meirong kan me Koht kin ketin mahkikihong dipen mehn Israel kan. Re kin wiahda soahng koaros nin duwen kehkehlik me sapwellimen Koht ladu, Moses, kihong irail. 50 Iet duwen irekidien kadaudok en Aaron kan: Eleasar, Pineas, Apisua, 51 Pukki, Ussi, Seraia, 52 Meraiod, Amaraia, Ahidup, 53 Sadok, Ahimas.

Wasa me mehn Lipai kan kin Kousoan ie

54 Iet sahpw me kileldiong kisehn peneineien Kohad sang nan kadaudok en Aaron. Re ale peliensapw me tepin kileldiong mehn Lipai kan. 55 Sahpw wet iangahki Epron nan sapwen Suda oh sahpw akan me kapilpene. 56 Ahpw mohs akan oh kousapw akan me kisehn kahnimwo kohieng Kalep nein Sepune. 57 Iet kisin kahnimw kan me kohieng kadaudok en Aaron kan: Epron, kahnimw en rukula ehu,
 KAHNIMW EN RUKULA: Ma mehmen pahn depweila oh kemehla aramas, e pahn kak tangala oh rukula nan ehu kahnimw pwukat pwehn pitsang mehmen me pahn ihkihong eh kamaramaso (tehk Sos. 20.1-9).
Sattir, oh kisin kahnimw kan en Lipna, Estemoa, Ilen, Depir, Asan, oh Ped Semes, iangahki sahpw akan me kapilpene.
60 Iet kisin kahnimw oh sahpw akan me kapilpene me kohieng irail sang nan sapwen Pensamin: Kepa, Alemed, oh Anadod. Wasa pwukat koaros patpene wiahda kisin kahnimw eisek siluh ong arail peneinei koaros pwe re en kousoan loale. 61 Kisin kahnimw eisek sang nan sapwen Palikapi en Manase me kohieng luhwen peneinei lap en Kohad ni usuhs, wad kisin peneinei.

62 Ong peneinei lap en Kerson, wad kisin peneinei, kahnimw eisek siluh me kohieng irail sang nan sapwen Isakar, Aser, Napdali, oh Palimesehn Manase nan Pasan. 63 Pil duwehte, kisin kahnimw eisek riau sang nan sapwen Reupen, Kad, oh Sepulon, me kohieng peneinei lap en Merari, wad kisin peneinei. 64 Ih duwen met mehn Israel arail kilelediong mehn Lipai kan sahpw pwe re en kousoan loale, iangahki sahpw akan me kapilpene. 65 (Kisin kahnimw kan sang nan sapwen Suda, Simion, oh Pensamin, me sansalehr powe, pil kohieng irail ni usuhs.)

66 Ekei peneineien Kohad ale kisin kahnimw kei oh sahpw akan me kapilpene sang nan sapwen Epraim: 67 Sekem, kahnimw en rukula ni sahpw nahnahn Epraim, Keser, 68 Sokmeam, Ped Oron, 69 Aisalon, oh Kad Rimmon. 70 Sang nan sapwen Palikapi en Manase re ale kisin kahnimw kan en Aner oh Pileam, iangahki sahpw akan me kapilpene.

71 Peneinei kan en Kerson ale kisin kahnimw pwukat, iangahki sahpw akan me kapilpene:

Sang nan sapwen Palikapi en Manase: Kolan nan Pasan oh Astarod.

72 Sang nan sapwen Isakar: Kedes, Deperad, 73 Ramod, oh Anem.

74 Sang nan sapwen Aser: Masal, Apdon, 75 Ukok, oh Rehop.

76 Sang nan sapwen Napdali: Kedes nan Kalili, Ammon, oh Kiriadaim.

77 Luhwen peneinei kan en Merari ale kisin kahnimw pwukat, iangahki sahpw akan me kapilpene:

Sang nan sapwen Sepulon: Rimmono oh Tapor.

78 Sang nan sapwen Reupen, palimesehn Pillap Sordan palio Seriko: Peser pohn sahpw patapato, Sahsa, 79 Kedemod, oh Mepaad.

80 Sang nan sapwen Kad: Ramod nan Kilead, Mahanaim, 81 Espon, oh Saser.

Copyright information for `PON2006A