a105.9 a Sen. 12.7; 17.8; b Sen. 26.3.
b105.10-11 Sen. 28.13.
c105.14-15 Sen. 20.3-7.
d105.16 Sen. 41.53-57.
e105.17 Sen. 37.28; 45.5.
f105.18-19 Sen. 39.20—40.23.
g105.20 Sen. 41.14.
h105.21 Sen. 41.39-41.
i105.23 a Sen. 46.6; b Sen. 47.11.
j105.24-25 Eks. 1.7-14.
k105.26 Eks. 3.1—4.17.
l105.28 Eks. 10.21-23.
m105.29 Eks. 7.17-21.
n105.30 Eks. 8.1-6.
o105.31 a Eks. 8.20-24; b Eks. 8.16-17.
p105.32-33 Eks. 9.22-25.
q105.34-35 Eks. 10.12-15.
r105.36 Eks. 12.29.
s105.37-38 Eks. 12.33-36.
t105.39 Eks. 13.21-22.
v105.40 Eks. 16.2-15.
w105.41 Eks. 17.1-7; Nemp. 20.2-13.
x105.44 Sos. 11.16-23.

Psalms 105

Koht oh Sapwellime Aramas akan

(1 Kronikel 16.8-22)

Kumwail patohwan kapingkalahngan ong KAUN-O;
kumwail kalohkiseli sapwellime roson lapalap,
oh kehsehki wehi kan wiepen nin lime kan.
Kumwail koul kapikapinga KAUN-O;
kumwail lohkiseli soahng kapwuriamwei koaros me e ketin wiadahr.
Kumwail nsenamwahuki eh ketin sapwellimanikin kitail;
koaruhsie me kin kaudokiong en perenda.
Kumwail patohdo rapahki sawasepamwail rehn KAUN-O;
oh kaudokiong ahnsou koaros.
Kumwail kadaudok en Eipraam, sapwellimen KAUN-O ladu,
kumwail kadaudok en Seikop, aramaso me e ketin pilada;
kumwail tamanda manaman kapwuriamwei kan me Koht ketin wiahda
oh kopwung kan me e ketin wiadahr.
Iei ih, KAUN-O, me atail Koht;
sapwellime mahsen kan pahn kowohng sampah koaros.
E pahn kin ketin dadaur sapwellime inou kohkohlahte,
inou kan me e ketin wiadahr erein dih koaros,
inou me e ketin wiahiong Eipraam
oh inou me e ketin wiahiong Aisek. a 
10 KAUN-O ketin wiahiong Seikop inou ehu,
inou ehu me pahn poatopoat kohkohlahte. b 
11 E ketin mahsanih, “I pahn kihong uhk wehin Kenan;
e pahn wiahla uhdahn omw sohso.”

12 Sapwellimen Koht aramas akan me malaulau,
re wia aramas en liki kei nan Kenan.
13 Re ahpw kakahnseli sang nan ehu sahpw kolahng nan ehu,
sang nan ehu wehi kolahng nan ehu.
14 Ahpw KAUN-O sohte ketin mweidohng emen en wiakauwe irail;
oh e ketin kaloke nanmwarki kan pwehki irail. c 
15 E ketin mahsanih, “Kumwail dehr sair ei ladu pilipil pwukat;
kumwail dehr wia mehkot suwed ong nei soukohp akan.”

16 KAUN-O ketin kadarodohng pohn sapwarail lehk lapalap
oh ketikihsang irail arail tungoal akan koaros. d 
17 Ahpw e ketin kadarala mwohrail Sosep,
me netla nin duwen ladu men. e 
18 Neh kan eri lipwalipwkihla sahl kehlail kei, me pirapiriong,
oh selmete pwoat pirapiriong nin tepinwere, f 
19 e lao pwme e kohpadahro.
Mahsen en KAUN-O eri dehdehda pwe ih me pwung.
20 Nanmwarkien Isip eri ketikihsang Sosep nan imweteng;
kaunen wehi kan eri kasaledekala. g 
21 E ahpw ketin kasapwiladahng Sosep sounkohwa lapalap en tehnpese
oh kaunen sapwellime wehi pokon, h 
22 me ahneki manaman koaros pohn sapwellimen nanmwarki soumas akan
oh pwungen kaweid ong sapwellime sounkaweid kan.

23 Seikop eri soulahng Isip
oh kousoanla nan sahpwo. i 
24 KAUN-O ahpw ketin kangederehla sapwellime aramas akan
oh ketin koasoanehdi pwe re en kehlail sang ar imwintihti kan. j 
25 E ahpw ketin wekidala kapehd en mehn Isip ko pwe re en kailongkihla sapwellime aramas akan
oh kin widiwidinge sapwellime ladu kan.

26 KAUN-O eri ketin poaronehla sapwellime ladu Moses,
oh Aaron, me e ketin pilada. k 
27 Ira eri wiahda sapwellimen Koht wiewia lapalap ekei
oh manaman kapwuriamwei kei nan Isip.
28 KAUN-O ketin kadaridiong rotorot mosul pohn sahpwo,
ahpw mehn Isip ko sohte peikiong sapwellime mahsen kan. l 
29 E ketin kawekiong ni nta pilen ar pillap akan
oh kemehla mwahmw en nan pillap ako koaros. m 
30 Sapwarailo inenen direkihla kairu kan;
pil iangahki tehnpas en nanmwarkio. n 
31 Koht ketin mahsente, a mwutumwut en loahng oh amwise
pa audehla sahpwo pwon. o 
32 E ketin kadaridiong pohn sahpwo keteu aihs takai oh lioal,
wiliandi keteu; p 
33 e ketin kamwomwala arail wahn wain oh tuhke pik kan
oh ketin karaukehdi tuhke koaros.
34 E ketin mahsente, a loukust kan pa pipihrpene,
uwen tohto ieu me sohte kak wadawad; q 
35 re ahpw kangala dihpw koaros en sahpwo;
oh wahntuhke koaros.
36 E ketin kemehla mesenih koaros en sahpwo
mesenihen peneinei koaros en Isip. r 

37 KAUN-O eri ketin kahluwaiei mehn Israel ko sang Isip;
re wisik silper oh kohl, s 
irail koaros kehlail, sohte me soumwahu.
38 Mehn Isip ko perenkihda ar mweselda,
pwehki ar kin masak irail.
39 E ketin kipehkipeseng pelien depwek pali pohn sapwellime aramas ako
oh ketikihong irail kisiniei pwe en kamarainih irail nipwong. t 
40 Re peki, a e ketin kadarodohng irail kulu
 KULU: Tehk mahlen nan Eks. 16.13.
kei,
oh ketin kammedkinirailla kisin saken nanleng. v 
41 E ketin ritingada paipalalapo, a pihl pa kusieisang,
oh pwilipwillahng nan sapwtehn duwehte pillap pwoat. w 
42 E ketin kupwukupwurehte sapwellime inou sarawi
ong Eipraam, sapwellime ladu.

43 Eri, e ketin kahluwaiei sapwellime aramas pilipil kan,
me kokoul oh ngisingiski ar peren.
44 E ahpw ketikihong irail sapwen mehn liki kan,
oh ketin mweidohng pwe re en sapwenikihla, x 
45 pwe re en kin peikiong sapwellime kosonned akan
oh kapwaiada sapwelime mahsen kan.

Kapinga KAUN-O!
Copyright information for `PON2006A