b14.1-3 Rom 3.10-12.

Psalms 14

Suwed en Aramas
 TITLE NI MAHSEN EN IPRU: En Depit melkahka.

(Melkahka 53)

Me pweipwei kan kin mengimengloalki,
“Sohte katepen Koht!”
Irail koaros me suwedlahr,
pwe re kin wiahda mehkan me suwehdie.
sohte mehmen me kin wia me mwahu. b 

KAUN-O kin ketin ireirong aramas akan sang nanleng
pwe en mahsanih ma mie me loalokong,
oh ma mie me kin kaudokiong ih.
Ahpw irail koaros sapwungalahr,
irail koaros me suwed.
Sohte mehmen rehrail me kin wia me mwahu,
sohte mwahn mehmen.

KAUN-O ahpw ketin keinemwe, “Ia duwe, re sohte ese?
Irail pwukat koaros me kin wia me suwed, re soaloalokong?
Re kin momourki ar kin piripirapa nei aramas akan,
oh re sohte kin kapakapohng ie.”

Ahpw re pahn masepwehkada,
pwehki Koht eh kin ketin ieiangih irail kan me kin peikiong.
Me kin wia me suwed kan kin kapwowihala koasoandien aramas aktikitik kan,
ahpw KAUN-O iei sileparail.

Ia uwen ei kapakap pwe komourpen Israel
en pwarodo sang Saion.
Ia uwen peren me mehn Israel kan pahn wia
ni ahnsou me KAUN-O pahn pwurehng kapaiairailda!
Copyright information for `PON2006A