Psa 142
b142 Title: 1 Sam. 22.1; 24.3.
 

Psalms 142

Kapakap en Peki Sawas
 TITLE NI MAHSEN EN IPRU: En Depit koul ni eh mihmi nan pwoaren paipo; kapakap ehu.
,
b 

I likweriong KAUN-O pwehn ketin sewese ie;
oh ngidingidki ei pekipek.
I patohwanohng ei kaulim kan koaros;
I patohwan wehkadahng ei apwal akan koaros.
Ni ngeniet e mwoatohtalahr kowahlap,
e mwahngih dahme konehng I en wia.
Ei imwintihti kan ekihla lidip ehu mehn lidipihiehdi,
nan ahl me I kin weweid ie.
Ni ei kilikilengseli limwahi
I kilang me sohte mehmen me kak sewese ie,
sohte mehmen me kak sinsile ie.
Sohte mehmen me kesempwal kin ie.

Maing KAUN, I patohwan likweriong komwi pwe komwi en ketin sewese ie;
komwi maing KAUN, iei komwi, me silepei;
komwihte me I anahne nan mour wet.
Komw ketin karonge ie ni ei pek sawas,
pwe I kihrlahr nan apwal.
Komw ketin doareiesang ei imwintihti kan;
re me nohn kehlail sang ie.
Komw ketin kasaledekihiehla sang nan ei pwunod akan;
eri I ahpw pahn kapinga komwi ni pokon en sapwellimomwi aramas akan
pwehki omwi ketin kupwur mwahu ong ie.
Copyright information for `PON2006A