Psalms 87

Kapingpen Serusalem
 TITLE NI MAHSEN EN IPPRU: En peneinei en Kora ar melkahka; koul pwoat.

KAUN-O ketin kauwada sapwellime kahnimw pohn dohl sarawio;
 DOHL SARAWI: Tehk 2.6.

e kin ketin loalloale kahnimw Serusalem
laudsang wasa teikan nan Israel.
Rong mahs, kowe, kahnimw en Koht,
irair kapwuriamwei kan me e pahn mahsanih duwen kowe:

“Ni ei pahn pahngada wehi kan me kin peikiong ie
I pahn iangahkihong Isip oh Papilonia.
I pahn pil mahsanih tohn Pilisdia, Dair oh Idiopia,
pwe irail pil kisehn Serusalem.”

A duwen Saion aramas koaros pahn ketihtihki
me wehi koaros tepisang reh
oh pein Wasa Lapalap pahn ketin kakehlahda Saion.
KAUN-O pahn ketin ntingihedi nan doaropwe eden aramas koaros
oh ketin wiahkihla irail koaros pwilidak en Serusalem.
Re kahlek oh kokoulki,
“Atail paiamwahu kan koaros kin tepisang Saion.”
Copyright information for `PON2006A