a99.1 Eks. 25.22.
b99.7 Eks. 33.9.

Psalms 99

Koht Nanmwarki Lapalahpie

KAUN-O iei nanmwarki,
eri aramas akan kin rerrerki ar masak.
E ket nan mwoale pohnangin kerup kan,
sampah ahpw wie rerrerki. a 
KAUN-O nan Saion me manaman;
e ketin lapalap sang wehi koaruhsie.
Aramas koaros pahn kin kapinga lapalap oh lingan en mware.
Ih me sarawihe!

Maing nanmwarki lapalap, komw kin ketin poakohng dahme pwung;
komw ketin koasoanehdi mour en pwuhng nan wehin Israel;
komw ketikidohr pwuhng oh pahrek.
Kapinga KAUN-O atail Koht
oh kaudok mwohn mwoale!
Ih me Sarawihe!

Moses oh Aaron iei sapwellime samworo,
oh Samuel iei ih emen me kin kapakapohng;
irail kin likweriong KAUN-O, e ahpw kin ketin sapeng irail.
E ketin mahseniong irail sang nan uhren depweko;
re kapwaiadahr kosonned oh koasoandi kan me e ketikihong irail. b 

Maing KAUN, at Koht, komw ketin sapengehr sapwellimomwi aramas akan;
komw ketin kasalehiong irail me komwi Koht emen me kin kupwurmahk,
mehnda ma komw kin ketin kalokehkin irail diparail kan.
Kapinga KAUN-O atail Koht
oh kaudok pohn sapwellime dohl sarawio!
 DOHL SARAWI: Tehk 2.6.

KAUN-O atail Koht me sarawihe.
Copyright information for `PON2006A