a27.2-8Sos. 8.30-32.
b27.5-6Eks. 20.25.
c27.12Deud. 11.29; Sos. 8.33-35.
d27.15Eks. 20.4; 34.17; Lip 19.4; 26.1; Deud. 4.15-18; 5.8.
e27.16Eks. 20.12; Deud. 5.16.
f27.17Deud. 19.14.
g27.18Lip 19.14.
h27.19Eks. 22.21; 23.9; Lip 19.33-34; Deud. 24.17-18.
i27.20Lip 18.8; 20.11; Deud. 22.30.
j27.21Eks. 22.19; Lip 18.23; 20.15.
k27.22Lip 18.9; 20.17.
l27.23Lip 18.17; 20.14.
m27.26Kal. 3.10.

Deuteronomy 27

Kosonned en Koht me Ntingdier pohn Pelien Takai

Moses iangahki kaunen mehn Israel ko ahpw ndaiong aramas ako, “Kumwail kapwaiada mahsen koaros me I kihong kumwail rahnwet. Rahn me kumwail pahn kotehla Pillap Sordan oh pedolong nan sahpw me KAUN-O, amwail Koht, pahn ketikihong kumwail, kumwail pahn kauwada takai kalaimwun kei oh iriski mehnkodi. a  Kumwail eri ntingihedi powe kosonned pwukat koaros oh padahk pwukat. Ni amwail pahn pedolong nan sahpw kaselel oh pwelmwahwo me KAUN-O, Koht en amwail pahpa kahlap ako, inoukihongkumwailehr, oh ni amwail pahn lelehr palio Sordan, kumwail kauwada pelien takai pwukat pohn Nahna Epal oh iriski mehnkodi duwen me I kehkehlingkihong kumwail rahnwet. Kumwail eri kauwada wasao ehu pei sarawi me takai wia oh sohte mete pahn doadoahk ie, b  pwe pei sarawi koaros me kumwail pahn kauwadahng KAUN-O pahn wiawihkihda takai me sohte perper. Kumwail ahpw pahn wia meirong isihs kan wasao, oh kumwail pahn pil wia meirong en kaminimin kan me kumwail pahn tungoalepene oh kapingkalahngankihong KAUN-O, amwail Koht. Kumwail ntingihedi ni sansal mahsen koaros en kosonned en Koht pohn takai me kumwail iriskilahr mehnkodi.”

Moses iangahki samworo mehn Lipai ko eri mahsanihong mehn Israel ko koaros, “Kumwail nennenla, kumwail mehn Israel, oh rong. Rahnwet kumwail wialahr aramas en KAUN-O, amwail Koht; 10 eri kumwail en peikiong oh kapwaiada sapwellime kosonned koaros me I kihong kumwail rahnwet.”

Keria kan ong Sapeik

11 Moses eri mahsanihong mehn Israel ko, 12 “Mwurin amwail pahn kotehla Sordan, kadaudok pwukat me pahn wad pah pahn uh pohn Nahna Kerisim ni ahnsou me kasarawi en kupwuramwahu pahn kohieng aramas akan: kadaudok en Simion, Lipai, Suda, Isakar, Sosep oh Pensamin. c  13 Oh me pahn wad met kan, pahn uh pohn Nahna Epal ni ahnsou me keria kan pahn wadawad: kadaudok en Reupen, Kad, Aser, Sepulon, Dan oh Napdali. 14 Mehn Lipai kan ahpw pahn patohwanda mahsen pwukat ni ngihl laud:

15 “‘Koht en ketin keriahla aramas me pahn kin wiahkihda dikedik en eni, takai, tuhke de mete oh kaudokiong ni rir; KAUN-O kin ketin kalahdeki kaudok ong dikedik en eni.’

“Koaros pahn sapeng patohwan, ‘Amen!’ d 

16 “‘Koht en ketin keriahla aramas emen me sohte kin wauneki eh pahpa de eh nohno.’

“Koaros pahn sapeng patohwan, ‘Amen!’ e 

17 “‘Koht en ketin keriahla aramas emen me kin kamwakid pehs en sapwen mehn mpe.’

“Koaros pahn sapeng patohwan, ‘Amen!’ f 

18 “‘Koht en ketin keriahla aramas emen me kin kahre me maskun men ni ahl sapwung.’

“Koaros pahn sapeng patohwan, ‘Amen!’ g 

19 “‘Koht en ketin keriahla aramas emen me pahn kauwehla oh kihsang en mehn liki kan, en me sepwoupwou kan, en liohdi kan ar pwuhng.’

“Koaros pahn sapeng patohwan, ‘Amen!’ h 

20 “‘Koht en ketin keriahla aramas emen me pahn kanamenekihala eh pahpa ni eh pahn wiahiong nsenen pwopwoud ong emen en eh pahpa eh pwoud kan.’

“Koaros pahn sapeng patohwan, ‘Amen!’ i 

21 “‘Koht en ketin keriahla aramas emen me pahn wia nsenen pwopwoud ong mahn emen.’

“Koaros pahn patohwan sapeng, ‘Amen!’ j 

22 “‘Koht en ketin keriahla aramas emen me pahn wiahiong nsenen pwopwoud ong rie serepein de rehn serepein me ara nohno tehmen de pahpa tehmen.’

“Koaros pahn sapeng patohwan, ‘Amen!’ k 

23 “‘Koht en ketin keriahla aramas emen me wiahiong nsenen pwopwoud ong en eh pwoud eh nohno.’

“Koaros pahn sapeng patohwan, ‘Amen!’ l 

24 “‘Koht en ketin keriahla aramas emen me pahn kemehla aramas emen ni rir.’

“Koaros pahn sapeng patohwan, ‘Amen!’

25 “‘Koht en ketin keriahla aramas emen me pahn ale mwohni pwehn kemehla aramas emen me sohte dipe.’

“Koaros pahn sapeng patohwan, ‘Amen!’

26 “‘Koht en ketin keriahla aramas emen me sohte pahn peikiong sapwellimen Koht kosonned oh padahk kan.’

“Koaros pahn sapeng patohwan, ‘Amen!’ m 

Copyright information for `PON2006Z