a136.11 Kron. 16.34; 2 Kron. 5.13; 7.3; Esra 3.11; Mel. 100.5; 106.1; 107.1; 118.1; Ser. 33.11.
b136.5Sen. 1.1.
c136.6Sen. 1.2.
d136.7-9Sen. 1.16.
e136.10Eks. 12.29.
f136.11Eks. 12.51.
g136.13-15Eks. 14.21-29.
h136.19Nemp 21.21-30.
i136.20Nemp 21.31-35.

Psalms 136

Koulen Kapingkalahngan

Kumwail kapingkalahngan ong KAUN-O, pwehki ih me ketin kupwur mwahu;
sapwellime limpoak me poatopoat. a 
Kumwail kapingkalahngan ong Koht me keieu lapalapasang koht akan koaros;
sapwellime limpoak me poatopoat.
Kumwail kapingkalahngan ong kaun me keieu roson sang kaun akan koaros;
sapwellime limpoak me poatopoat.
Ihete me kin ketin wiahda manaman kupwuriamwei kan;
sapwellime limpoak me poatopoat.
Sapwellime erpit me e ketin wiahkihda nanleng;
sapwellime limpoak me poatopoat. b 
E ketin kauwada sampah pohn pihl loal akan;
sapwellime limpoak me poatopoat. c 
E ketin kapikada ketipin oh maram;
sapwellime limpoak me poatopoat; d 
ketipin mehn kakaun rahn akan;
sapwellime limpoak me poatopoat;
maram oh usu kan mehn kakaun nipwong;
sapwellime limpoak me poatopoat.

10 E ketin kemehla mesenih koaros nan Isip;
sapwellime limpoak me poatopoat. e 
11 E ketin kahluwa mehn Israel ko sang Isip;
sapwellime limpoak me poatopoat; f 
12 ni roson oh manaman en nin lime;
sapwellime limpoak me poatopoat.
13 E ketin pwalangpeseng Sehd Weitahtao;
sapwellime limpoak me poatopoat; g 
14 e ketin kahluwa sapwellime aramas ako nansedo;
sapwellime limpoak me poatopoat;
15 e ahpw ketin kakihrala nanmwarkien Isip oh iangahki nah karis ko;
sapwellime limpoak me poatopoat.

16 E ketin kahluwa sapwellime aramas ako nan sapwtehn;
sapwellime limpoak me poatopoat.
17 E ketin kemehla nanmwarki kehlail kan;
sapwellime limpoak me poatopoat;
18 e ketin kemehla nanmwarki ndand kan;
sapwellime limpoak me poatopoat;
19 Sihon, nanmwarkien mehn Amor;
sapwellime limpoak me poatopoat; h 
20 oh Ok, nanmwarkien Pasan;
sapwellime limpoak me poatopoat. i 
21 E ketikihong sapwarail ko ong sapwellime aramas ako;
sapwellime limpoak me poatopoat;
22 E ketikihong Israel, sapwellime ladu;
sapwellime limpoak me poatopoat.

23 E sohte ketin melieikitailla ni atail lohdi;
sapwellime limpoak me poatopoat;
24 E ketin kasaledengkitailla sang atail imwintihti kan;
sapwellime limpoak me poatopoat.

25 E kin ketikihong mehkoaros me momour kisin tungoal;
sapwellime limpoak me poatopoat.

26 Kumwail kapingkalahngan ong Koht en nanleng;
sapwellime limpoak me poatopoat.
Copyright information for `PON2006Z