Psalms 91

Koht, Iei Silepatail

Mehmen me kin diar eh wasahn ruk rehn KAUN-O,
mehmen me kin mihmi pahn silepen Wasa Lapalapo,
iei ih me kak patohwanohng Koht,
“Komwi me soundoarepei oh silepei.
Komwi me ei Koht; me I kin likih.”
E pahn ketin doareiukasang me keper rir koaros,
oh sang soangen soumwahu koaros me kin kemehla aramas.
E pahn ketin koaduhpwalkinuhkedi lime kan;
ke sohte pahn perki mehkot pahn epwelpen nin lime;
sapwellime loalopwoat pahn sinsileiuk oh doareiukala.
Ke sohla pahn masak mehkot me keper nipwong,
de mahwen karuaru ong uhk ni rahn,
de soumwahu lusulus kan me kin wawaiseli nan rotorot,
de soangen suwed teikan me kin kemehla aramas nin rahn.

Aramas kid kak pwupwudi mehla limwahmw,
de aramas nen pil pahn kak kapiluhkpene,
ahpw sohte me pahn kauweiukala.
Ke pahn pein kilangki mesomwen, oh kadehde
duwen me suwed akan ar pahn ale kalokolok.

Pwehki omw wiahkihla KAUN-O doarepomw,
oh wiahkihla Wasa Lapalahpie silepomw,
10 iei me sohte me suwed kot pahn lelohng uhk,
sohte kalokolok ehu pahn kerendohng imwomw.
11 Koht pahn ketin kesilehkinuhk sapwellime tohnleng kan,
pwe re en apwahpwalihiuk wasa koaros me ke pahn kohla ie. a 
12 Re pahn kolkinuhkada pehrail kan,
pwe ke dehr dipekelekel nin takai kan. b 
13 Ke pahn sok pohn laion oh sineik kan,
pohn laion kommwad oh sineik me pwoisin kan. c 

14 Koht ketin mahsanih, “I pahn komourala irail kan me kin poakohng ie
oh I pahn sinsile irail kan me ese me ngehi iei KAUN-O.
15 Ni ar pahn likwerih ie, I pahn sapeng irail;
ni ar pahn lelohng nan apwal, I pahn ieiang irail.
I pahn kapitirailla oh kawauwihirailla.
16 I pahn katingihkin irail mour werei;
oh I pahn komourirailla.”
Copyright information for `PON2006Z