1 Corinthians 16

A DUEN kisakis on saraui kan, me komail pan ki pena, i men, komail en wiada, duen i kakaliki on momodisou en Kalesia kan. Ni at en ran en wik kan amen amen re omail en nikidala ekis, o ki pena duen wan a kak on pwe onop de wiaui, i lao pwara won. I lao pwara weilar, meakai, me komail pan kileledi, irail me i pan ilakewei, en walan Ierusalem omail kisakis ianiaki kisin likau. O ma a kon on, i en pil sailok wei; irail ap pan ian ia sailokala. A i pan pwara won komail ni ai dauli Masetonien, pwe i pan weid nan Masetonien. Ele i pan mimieta re omail, ansaun kapau lao nikier, pwe komail en kalua ia la wasa, me i pan sailokala ia. Pwe ansau wet i sota pan sup re omail, pwe i kaporoporeki, me I pan mimieta re omail ansau kis, ma Kaun pan kotin mueid on ia. A i pan mimieta Episus lao pentikos. Pwe wanim talap ritida mo i, me kareda wa toto; a imwintiti me toto. 10 A Timoteus lao pwara won komail, apwali i, pwen sondi mau re omail, pwe a kin ian ia wiawia dodok en Kaun o. 11 Sota amen en mamaleki i, a kalua i don ia popol, pwe nai o ri atail akan kin auiaui i. 12 A duen ri atail Apolos, nai me poeki re a pan pak toto, en ian ri atail akan pwara won komail, a a kan pwara wei ansau wet; a a pan pwara wei lao ansau mau. 13 Komail masamasan o dadaurata ni poson, komail wia duen ol melel, o komail en kelail. 14 Meakaros en wiaui ni limpok 15 I ari panaui komail, ri ai kan, pwe komail asa penainai en Stepanas, me ir tapida saulan en Akaia, o me pein irail inon ion dodok on saraui kan, 16 Pwe komail en peiki on irail, o on irail karos me ian ni ar wiawia o dodok. 17 I peren kida en Stepanas, o Portunatus, o Akaius ar pwarador, pwe mekis, me komail so ki on ia mepukat ki don ia. 18 Irail kaperenda nen i o pil nen omail; komail ari wauneki me due met. 19 En momotisou en Asien akan ar ranamau won komail. A Akwila o Prisila kin ranamau won komail pan Kaun o momodisou nan im ara. 20 Ri atail ol akan karos kin ranamau won komail. Komail ranamauki pena metik saraui. 21 Nai Paulus me intin kilan komail ai ranamau ki pein pa i. 22 Ma amen sota kin pok on Kaun Iesus Kristus, a pan anatema! Maranata! let wewe; A pan riala! Atail Kaun kotido. 23 Mak en Kaun Iesus Kristus en mimieta re omail! 24 Ai limpok on komail pan Kristus Iesus pan mimieta re omail! Amen.

Copyright information for `PONPDN