1 John 1

ME kin mia san ni tapi o, me se ronadar, me se kilan kier pein mas at, me se ududialer, o me pa at dokeer, iei masan en maur; O maur sansaledar, o se kilaner, o kadede, o padaki on komail maur soutuk, me kotikot ren Sam, a ap sansal don kitail. Me se kilaner, o roner, iei me se pil katitiki on komail, pwe komail en pil waroki on kit. A kitail waroki on Sam o Sapwilim a Iesus Kristus. Mepukat se intiniedi, pwe at peren en unsokala. A ietet padak, me se ron san i, ap katitiki on komail: Kot marain eu, o sota man rotorot mi re a. Ma kitail inda, me kitail waroki on i ap weweid ni rotorot, kitail kin likam, ap sota wia melel. A ma kitail weweid ni marain, dueta i me kotikot ni marain, kitail warok penaer, o ntan Iesus Kristus sapwilim a Ol kamakele kitail san ni dip karos. Ma kitail inda: Sota dip atail, kitail piti pein kitail, o melel sota mi re atail. A ma kitail weokada dip atail, i me melel o pun, en makeki on kitail dip atail o kamine san me sapun karos. 10 Ma kitail inda: Kitail sota wiadar dip, kitail kalikame i, o a masan sota mi re atail.

Copyright information for `PONPDN