1 John 5

MEAMEN me kamelele, me Iesus me Kristus, nan i me ipwi san ren Kot, o me kin pok on me kaipwidi i, kin pil pok on, me ipwi saner. I me kitail asaki, me kitail pok on seri en Kot akan, ni atail pok on Kot o oke a kusoned akan. let limpok on Kot, atail kapwaiada a kusoned akan, a a kusoned akan me sota apwal. Pwe meamen, me ipwi san ren Kot, kin kaloedi sappa. let pai en pei, me kaloedier sappa, atail poson. Is me kaloedi sappa, kaidin I eta, me kamelele, me Iesus Sapwilim en Kot? I met, me kokido pil o nta, Iesus Kristus; kaidin pil eta, pwe pil o nta. Nen me kadedeki, pwe Nen melel. Irail me silimen me kadede: Nen, o pil, o nta; irail kin minimin pena. Ma kitail kamelele kadede en aramas akan, nan kadede en Kot me lap san, pwe i en Kot a kadede me a kotin kadedeki sapwilim a Ol. 10 Me kamelele Sapwilim en Kot, a men kadede mi lole, me so kin kamelele Kot, kin kalikame i, pwe a sota kamelele kadede en Kot duen sapwilim a Ol. 11 A iet kadede o: Kot me kotiki on kitail er maur soutuk; a i son en maur mi ren sapwilim a Ol. 12 Me aneki Na, i me aneki maur, a me sota aneki Sapwilim en Kot, a pil sota aneki maur. 13 Mepukat i intin won komail er, pwe komail en asa, me maur soutuk mi re omail, a komail, me poson mar en Sapwilim en Kot. 14 O iet at kaporopor kaperen: Meakot kitail poeki re a duen kupur a, a kotin mani kitail. 15 A ma kitail asa, me a kotin mani kitail, iran meakot kitail poeki re a, kitail ap asa, me kitail pwais anekier, me kitail kapakapaki. 16 Meamen me kilanada ri a wia dip, me so imwilan mela, i en kapakapaki, Kot ap pan kotiki on i maur, on ir, me so wia dip, me udan mela. A eu son en dip mia, me imwilan mela, duen son en i sota inda, meamen en kapakapaki. 17 Sapun karos me dip, a son en dip mia, me sota imwilan mela. 18 Kitail asa, meamen me ipwi san ren Kot, sota kin wia dip; a me ipwi san ren Kot, apapwali pein i, a men sued o sota pan doke i. 19 Kitail asa, me kitail tapi san ren Kot, a sappa karos mi ni me sued. 20 A kitail asa, me Sapwilim en Kot pwarador, kalolekon kitail er, pwe kitail en asa i me melel, o kitail kisan i me melel, iei sapwilim a Iesus Kristus. I me Kot melel o maur soutuk. 21 Sama ko, kalaka pein komail san dikedik en ani kan!

Copyright information for `PONPDN