1 Thessalonians 3

I ME se solar kak nenen la, pwe se maukida kelepala nan Aten, Ap kadar won komail Timoteus ri atail o papan Kot ni ronamau en Kristus, pwen katene komail o kamait komail la iran omail poson. Pwe sota amen en luet kila kamekam wet, pwe pein komail asa, mepukat kiloledier on kitail. Pwe ni at mimi re omail, se kokopki don komail kamekam; duen me komail asa. I me I solar kak nenenla, a i ilakila, pwe i en asa, duen omail poson, ma men kasoneson so kasoneson komail, a ma at dodok sota pan dodok mal. A metet no en Timoteus pwara don kin san re omail, o padaki on kit ron mau duen omail poson o limpok, o duen omail tamataman kit ansau karos, o duen komail men kilan kit, I dueta kit kin inon ion kilan komail. Ri ai kan, kit ap kamait kilar komail ni at kamekam o apwal akan ki omail poson. Pwe ansau wet kit maureda, ma komail poden tenedi on Kaun o. Pwe ia danke me sen dankeki Kot pweki komail, me pan ras on peren, me se peren kida mon Kot ki komail? 10 Se kin poden kapakapa kin komail ni pon ni ran o nidinidiki, sen kilan mas omail o kaunsokala omail poson. 11 Ari, pein Kot, o Sam atail, o atail Kaun Iesus en kotin kalua kit won komail. 12 A Kaun o en kotin kanedere komail la o kalaudela omail limpok nan pun omail o on amen amen dueta kit on komail. 13 O kotin kateneten monion omail pwen mau melel, ni saraui mon Kot o Sam atail on ni ran en atail Kaun Iesus, me pan kotido o sapwilim a saraui kan karos ian i.

Copyright information for `PONPDN