2 Peter 3

IET kisin likau kariau, me i intin won komail, kompok kan, pwen kataman kin komail O kapirada nen omail makelekel. Pwe komail en tamanda masan en saukop saraui kan, kusoned en Kaun o Saunkamaur, me wanporon oko, me pakadar won komail, wa don komail. O iet eta komail en asa, ni imwin ran akan aramas lalaue pan pwarado, me pan weweid ni pein ar inon sued. Indada: la kilel en a pan kotido? Pwe san ni ran o, sam akan melar kokodo lel met, meakaros kin dueta nin tapi o. Pwe irail kin men ponsasa, me masia lan akan o sappa eu mia nan pil o, ap pwarada san nan pil ki masan en Kot. I me sappa en mas o okilar nolik lapalap. Pil dueta lan akan o sappa en met nekinek kita masan ota on kisiniai ni ran en kadeik o kampan aramas me san Kot akan. Kompok kan, iet eta komail ni asa, me ran ta ieu o par kid ras pena ta ren Kaun o, o par kid o ran eu dupeneta. Kaun o s ota kotin kapwandela inau o, duen akai kin kiki on, pwe a kotin kanonama on komail, pwe a sota kotin mauki, akai en lokidokila, pwe karos en wilikapala. 10 A ran en Kaun o pan pwarado dueta lipirap amen. I dokan lan akan pan mor pasan ni moron lapalap o tapipa kan pan pei pasan ki kisiniai kel, o sappa o a dipisou kan pan ronala. 11 Ari, ma mepukat karos pan ola, iaduen a pan re omail ni omail wiawia mau o lelapok, 12 Pwe komail kin auiaui o inon ion ran en Kot, me lan akan pan ron kila kisiniai, o tapipa kan pei pasan, pwe karakar muletok. 13 A kitail kin auiaui lan kap akan o sappa kap, wasa me lamalam pun pan wiaui, duen a kotin inaukidar. 14 Kompok kan, pweki omail auiaui mepukat, komail en nantion, pwe komail en diarokada re a so samin, o so sapun ni popol. 15 Pwe komail asa duen kanonama en atail Kaun, pwe i kamaur pa ’mail, duen ri atail Paulus kompok intin won komail er ni lolekon, me ko on i. 16 Duen a kasokasoi nan a kisin likau karos, a akai wasa me apwal en dedeki, me sololekon o so lolin akan kin kawukila, dueta ar pil kawukila masan tei kan, me pan kare on irail pein ar lokidokila. 17 Kompok kan, pweki omail asa mepukat, komail kalaka, pwe komail der sapun kila padak en me sued akan, ap pupedi san kateneten komail. 18 A komail kairida ni mak o lolekonki padak en atail Kaun o Saunkamaur Iesus Kristus. I me kon on en ale wau metet o kokolata lel on ni ran soutuk.

Copyright information for `PONPDN