2 Thessalonians 1

PAULUS o Silwanus, o Timoteus on momodisou en Tesalonik me ren Kot Sam atail, o atail Kaun Iesus Kristus. Mak o popol san ren Kot Sam atail o atail Kaun Iesus Kristus en mi re omail! Mak eta sen poden danke Kot pweki komail, ri ai kan, pwe omail poson kin laudela kaualap, o omail limpok pena pwaida kaualap. I me kit suai kin komail on momodisou en Kot akan pweki omail kanonama o poson ni omail kalokolok o kamekam, me lel on komail. lei me kasansal pan kadeik pun en Kot, komail ap pan kon on wein Kot, me komail kamekamki. Pwe me pun ta on Kot en depukki on irail me moromorouo on komail. A komail, me kalokolok, pan ian kit meleileila, ni kasale pan Kaun Iesus san nanlan ian sapwilim a tounlan manaman akan, Sansaldo ni kisiniai umpumpul, kapukapun on irail me poponsasa Kot, o on irail, me so peiki on ronamau en atail Kaun Iesus Kristus. O me pan lokidokilan kamekam soutuk san mon silan en Kaun o san mon a manaman linan. 10 Ni a pan kotido o linan kila sapwilim a saraui kan, ni ran o, o usun kin ir karos, me posonlar i, pwe komail kamelele atail kadede. 11 I me se kin pil poden kapakapa kin komail, pwe Kot en kotin kakonekon komail on paeker o a kotin kaerela omail kapunlol o kapwaiada wiawia en poson ki manaman. 12 Pwe mar en atail Kaun Iesus Kristus en kalinanada re omail, o komail en konekonla re a duen mak en atail Kot o atail Kaun Iesus Kristus.

Copyright information for `PONPDN