Acts 10

OL amen mi Sasarea ad a Kornelius, me saumas en pwin en saunpei eu, me ad a men Italien, Me lelapok o masak Kot ianaki toun im a karos, me poden kisakis on aramas, o kapakap on Kot ansau karos. A masani ni kasansal eu tounlan en Kot amen, me pwara don i ni klok silu, masani on i: Kornelius! A kankakil i o masakadar, potoan on: Main, dakot? A kotin masani on i: Om kapakap akan o koleir leler wasailen Kot. Koe ari kadar won lope ol akai, ukedo Simon, me pil ad a Petrus, Me kin kairu ren Simon saun wia kil en man, me im a sal on sed; A tounlan o, me kotin mama sani on i, lao kotilar, ap ekeredo na ladu riamen o saunpei lelapok amen, me kin mi re a ansau karos. A lao masani on irail mepukat karos, ap kadar ir alan lope. A mandan ran o ni ar sapa sapalwei o koren ion kanim o, Petrus ap kotila pon im o, pwen kapakap impan klok eisokriau. 10 Ap men sakadar o a pan sak. A ni ar kaonopadan i, ap masani kasansal eu: 11 A kilaner nanlan a ritidar o ed eu likamata tein pwainok kalaimun kokodi, me imwi kan pukopuk pena o pwilidi on nani pwel. 12 Son en man en sappa karos mi lole, me kin aluki pa, o me laualo, o man korop kai, o manpir en pan lan. 13 O nil eu peidi don i masanier: Petrus, paurida, kamela o mana! 14 A Petrus potoan on: Kaidin Main, pwe i kaikenta mana me mal kot, de me samin. 15 A nil o masani on i kariapak: Meakot, me Kot kamakelekeladar koe der mamaleki! 16 Mepukat wiauier pan silepak! Ed o ap kapuredalan nanlan. 17 A Petrus ni a kotin ponepon kidar wewe en kasansal o, me a masanier, kilan, ol oko me paka darado san ren Kornelius, ap rapaki im en Simon o uda pan wanim o, 18 O likilikwir pepeidok, ma Simon, me pil mar a Petrus kotikot wasa o. 19 A Petrus ni a kotin madamadaua duen kasansal o, Nen ap kotin masani on i: Kilan ol silimen raparapa kin uk. 20 Uda o kodiwei ian irail o so peikasal, pwe Nai me kadar irail do. 21 Petrus ap kodilan ren ol oko, masani: Kilan, iet nai, me komail raparapaki. Da karepen omail kodo? 22 Irail inda: Kornelius saumas en saunpei amen, ol pun amen, me masak Kot, o kalok mau ren Sus akan karos, me manier san ren tounlan saraui en Kot amen, en poron don komui, en kotido nan tanpas a, pwen mani san komui masan akan. 23 I ari kasamo ir Ion o kinte kin irail er. A mandan ran o a kotin ian ir wei; o saulan en lope kai pil ian i. 24 A mandan ran o re leler Sasarea. A Kornelius kapokon pena sau i o kompokepa kan ap auiaui irail. 25 A Petrus lao pedelon on, Kornelius ap tu on i o pupedi on ni aluwilu a o kaudok on i. 26 A Petrus kauada i indada: Uda, pwe nai pil aramas amen. 27 A ni ara masan pena, ap pedelon on, diaradar me toto momod pena. 28 I ari masani on irail: Komail asa, me a sota inen, ol en Sus amen en pat on men liki amen de kola re a. A Kot kotin kasale on ia, i ender mamaleki de sauteki amen aramas. 29 I me i koki do o so peikasal ni ar idok ia. Ari, i men kalelapok, da karep en omail eker ia do? 30 Kornelius ap masaniada: Mon pon pa pon nai kaisesol lel auer wet. A ni klok duau i kapakap nan im ai. A kilan, ol amen me kot mo i, mi nan likau linalin, 31 O masani: Kornelius, om kapakap me pwaida, o om koleir leler kupur en Kot. 32 Ari, ilakilan lope, pwe Simon me pil ad a Petrus, en kodo. A kaikairu nan im en Simon saun wia kil en man, me sal on sed. A lao pwarado, a pan padapadaki uk. 33 Nai ari pitipit ilakilan komui, a meid mau omui pwarador. Ari iet kit karos sansal mon Kot, pwe sen ron meakan, me Kot masani on komui. 34 Petrus ap kotiki pasan silan I indada: Melel, i asaer, me Kot sota kin kotin lipilipiliki aramas, 35 A nan sap karos meamen masak i o wiawia me pun, nan i me konekon re a. 36 Masan o me a kotin kadara don men Israel, en kaire kin irail popol ren Iesus Kristus. (Nan i me Kaun pan meakaros). 37 Komail asa masan me kalok sili me tapidar nan Kalilaa lel ludaa pon murin paptais, me loanes wiada padak due. 38 Duen en Kot a kotin keiekier Iesus en Nasaret Nen saraui o manaman, me kotin kakan sili wiawia mau o kakeladar me tanwar en tewil, pwe Kot kotin ieian i. 39 A kit karos me saunkadede en meakaros, me a kotin wiadar nan sap en Sus akan o pil Ierusalem, me re pasuredi on nin tuka o kamatalar. 40 Nan i me Kot kotin kaiasadar ni ran kasilu o kasaleda i. 41 Kaidin on aramas karos, pwe on saunkadede kai, me pilipildar ren Kot, kit me ian I sak o urak murin a iasadar san ren me melar akan. 42 I ari masani on kit, sen padapadak on aramas o kadede melel, me i, me Kot kotin piladar, pwen Saunkapun pan me maur o me melar akan. 43 A saukop karos kin kadede duen i, me dip en ir karos, me poson i, pan lapwada pweki mar a. 44 A ni Petrus kotikida masan pukat Nen saraui ap moredi pon karos, me roneron padak o. 45 A me poson akan, kisan sirkomsais, karos me ian Petrus pwarador, puriamuiki, me Nen saraui pil moredi pon men liki kan. 46 Pwe re ronadar ar lokaia kida nil toror kapina Kot. Petrus ap masanier: 47 Is me pan inapwriedi pil, me mepukat ender paptaisela, pwe re aleer Nen saraui dueta kitail? 48 I ari masani, me ren paptaisela ni mar en Iesus Kristus. Irail ap poeki, a en mimieta re ’rail ran akai.

Copyright information for `PONPDN