Acts 15

A AKAI me kodido san Iudaa, ap padaki on saulan kan: Ma komail sota sirkomsais duen tiak en Moses, komail sota pan kak maurela. A irail lao liak toror pasan o akakamai on Paulus o Parnapas, re ap inauki pena, me Paulus o Parnapas, o pil akai irail en kotidalan Ierusalem ren wanporon o saunkoa kan pweki mepukat. Momodisou ap likid ir wei lao ekis wasa. Irail ap weweid nan Ponisien o Samaria o kasokasoiada duen en men liki ar wukila. Irail ari kaperenda melel saulan kan karos. Irail lao lel Ierusalem, momodisou o wanporon, o saunkoa kan ap kasamo ir. Irail ap katitiki meakan, me Kot kotin wiaki irail er. A akai kisan pwin en Parisar, me saulanalar, me uda indada: Me pun, en sirkomsais ir ala, o kapi on irail, en wiawia kapun en Moses. A wanporon o saunkoa kan pokon pena, pwen kaparok duen met. Irail lao kapukapun pena warailar, Petrus ap kotida masani on irail: Ri ai kan, komail asa, me mas o Kot kotin pil ia dar san nan pun omail, pwe men liki kan en rona san nan au ai masan en ronamau o posonla. A Kot me kotin ereki monion en aramas, kotin kadede irail o kotiki on irail Nen saraui dueta kitail, O a sota kotin wiada irair eu nan pun en kitail o irail ni a kotin kamakel monion arail ki poson. 10 Ari, da me komail kasonesonki Kot, en kidan pon pop en tounpadak kan lopu eu, me sam atail akan o pil kitail sota kak wa. 11 A kitail kin kamekamelele, me kitail pan kamaureki mak en Kaun Iesus Kristus dueta irail kai. 12 A pokon o nenenlata o roneron en Parnapas i Paulus ara katiti duen manaman oko o kilel kai, me Kot kotin wia kidar lim ara nan pun en men liki kan. 13 Irail lao nenenlar, Iakopus ap kaparok masanida: Ri ai kan komail ron ia! 14 Simon me kasoiada duen en Kot a kotin pwara don men liki kan ni tapi o pwen pili san irail kainok eu on mar a. 15 Pwe iduen masan en saukop akan duen a intinidi: 16 Murin mepukat I pan puredo o kawiliakapada im en Dawid, me ronki pasaner, o pur on kauada wasa me olar. 17 Pwe luan aramas akan en raparapaki Kaun o, pil men liki kan, me wan ad ai, iei me Kaun o masaniadar, me kin kotin wiawia. 18 Mepukat me lolok san ni tapi o. 19 Ari iet me i kasauiada, kitail ender katoutoui irail me wuki on Kot san ren men liki kan. 20 A sen intine won irail, ren liki san kasaut en kot mal akan, o nenek, o man mopelar akan, o nta. 21 Pwe san mas kokodo saun kawewe en Moses kin mi nan kanim karos, pwe re kin padapadak duen i nan sinakoke kan ni ran en sapat akan karos. 22 Wanporon o saunkoa kan, o momodisou ap maukidar, en pilada ol akai san ar pokon o porone ira wei ian Paulus i Parnapas, en kotila Antiokien: Iudas, me pil ad a Parnapas o Silas, ol pukat, me kaun pan saulan kan. 23 A iet eten, me re intiniedier ap kadar won irail: let kit wanporon o saunkoa kan o saulan kan kadar won komail, ri at akan, me ko san ren men liki kan nan Antiokien, o Sirien, o Sisilia at ranamau. 24 Aki at roner, me akai, me koiei san re at, kin kaponepone kin nen omail ar padak kan ni ar kasapune komail lar indada: Komail en sirkomsais o kapwaiada kapun o; a se sota ki on irail kusoned akan. 25 Kit ap wiaki eu ni at maukidar en piladar ol akai, ap kadar won komail ianaki kompoke pat Parnapas o Paulus. 26 Ol oko me tonmeteki maur ara on mar en Kaun Iesus K ristui. 27 Kit ari kadar wei Iudas o Silas, me pil pan kasoi on komail mepukat. 28 Pwe Nen saraui o kit kin kupukupura, me mau, se ender ki on komail eu lopu; mepukat eta me kasampwal: 29 Komail liki san uduk, me mairon on kot likam, o nta, o man mopelar, o nenek. Ma komail liki san mepukat, nan komail kin wiawia me mau. Ran kaselel! 30 Irail lao pakadarala, ap kotilan Antiokien, re ap kapokon ir pena, ki on irail kisin likau o. 31 Irail lao wadoker, ap peren kidar kamait parail. 32 A Iudas i Silas, me pil saukop oko panaui kin saulan kan kasoi toto o pil katinai ir ada. 33 Irail mi wasa o lao ran akai, ap pakadarala popol san ren saulan kan, pwe ren kola ren me kadar ira ala. 35 A Paulus i Parnapas kotikoteta Antiokien, kawewedar o padapadaki masan en Kaun o. o me toto pil ian. 36 Kadekadeo murin ran akai Paulus masani on. Parnapas: Kita pan purela ren saulan kan, me mi kanim akan, wasa kita padakier duen masan en Kaun o, o kalekalelapok due ’rail. 37 A Parnapas men ukada Ioanes, me pil ad a Markus. 38 A Paulus kupura, me a sota mau, ira en ukada i, me muei san ira nan Pampilien o solar ian ira kolan dodok. 39 Ira ari akamai pena lao ira muei pasan. Parnapas ari ukada Markus tana won Sipern. 40 Paulus piladar Silas ap kotila. A saulan kan mueidela ira ni mak en Kot. 41 I ari kakan sili nan Sirien o Silisia katinada momodisou kan.

Copyright information for `PONPDN