Acts 19

Ani ansau Apolus mi Korint, Paulus kotin kakan sili sap en pali poa kan, ap lele don Episus wasa a diarada tounpadak kai. A kotin masani on irail: Komail aleer Nen saraui ni omail posonlar? Irail potoan on i: Se sota man ron, me Nen saraui mia. A ap kotin masani: A is, me komail paptais on? Irail inda: on paptais en Ioanes. Paulus masani: Ioanes paptais ki paptais en kalula, ni a masani on aramas akan, me ren poson i me pan pwarado mur i, i Iesus. Irail lao ronadar met, re ap paptais on mar en Kaun Iesus. Paulus lao kotin pwil po ’rail lim a kan, Nen saraui ap kotidi po ’rail, irail ari lokaia nil toror pasan o deideikop. A ir ol oko me ekriamen. I ari kotin purepure nan sinakoke o aima padapadak sauni pon silu, kapakaparok o kawewedar meakan duen wein Kot. A akai lao kapitakailar, o so poson, o lokelokaia sued on aramas akan duen lamalam, a ap saupei san irail o katorela tounpadak kan, o padapadaki on irail nan im en padak en Tiranus. 10 Mepukat wiauier saunpar riau; toun Asien karos ari ronada masan en Kaun o, men Sus o men Krik karos. 11 O Kot me kotin wia kida Iim en Paulus manaman kapuriamui akan. 12 Re pil aleer lim en pudo o likau an moa san pali war a, pwilikidi on me somau kan, somau o ap sare san, o nen sued akan keredi san. 13 Men Sus widinok kai, me kin koko sili kati ani, ap son sakaraki don irail, me tanwar en nen sued kai, mar en Kaun Iesus, indada: Kit kaukilan komail Iesus, me Paulus kin padapadak due. 14 A ol isimen mia nain samaro lapalap Skepas, ol en Sus amen, me wiadar mepukat. 15 A wen sued sapen irail indada: I asa Iesus, o i asa duen Paulus, a komail, is komail? 16 A aramas o, me nen sued mi poa, ap luse don irail o kaloe irail edi. Ir ari tana san nan im o kiliso o kili olar. 17 A met lok sili ren men Sus o Krik akan, me kauson Episus. O masak kipa irail edi, o mar en Kaun Iesus me lomuinlar kaualap. 18 O me ian posonlar me toto kodo weokadar o kasaledar arail wiawia kan. 19 O pil me toto, me kati ani, wa pena nairail puk o isik ir ada mon karos; ir ari wadok pwain ar o diar, me a dok on moni limenen. 20 Masan en Kaun ari pwaidar kaualap. 21 Murin mepukat Paulus ap kotin inon ion ni nen e kakan sili wein Masetonien o Akaia, ap kotilan Ierusalem masanidar: I lao milar wasa o, i pil pan kilan Rom. 22 I ari kadarala Masetonien riamen, kisan me papa i: Timoteus o Erastus. A pein i kotikoteta mas nan Asien. 23 I ansau me moromoron laud wiauier pweki lamalam. 24 Pwe amen, me ad a Demetrius, saunmata amen, me kin wiada im en kaudok silper kan on Diana, me kare on irail, me kin wiawiada, moni toto. 25 I ap kapokon irail pena o toun dodok en son ota indada: Main ko, komail asa, me dodok wet meid kadepa on kitail, pwe i me kitail kapwapwaki. 26 A komail kilekilan o roneron, me Paulus men et kin kaloedi o kawukila aramas toto a kaidin nan Episus eta, pwe pil koren ion nan Asien pon, ni a kin padaki on aramas akan, me dene kaidin irail kot akan, me wiaui pan pa en aramas akan. 27 Mepukat meid apwal on kitail. Pwe kaidin atail dodok eta me pan kamala, pwe pil im kaudok en kot Diana lapalap o a linan, me toun Asien o sappa karos kin kaudoki on pan sorela. 28 Irail lao roner mepukat, re ap makara kida kaualap o weriweradar indada: Meid lapalap Diana en men Episus! 29 A karos toun kanim o ap pinidar, wiaki eu, tanalan im en madon, tanaki Kaios o Aristar kus men Masetonien, me waroki on Paulus oko. 30 A Paulus lao pan kotilon nan pokon o, tounpadak kan ap sota mueid on i. 31 O saumas en Asien kai, me kompokepa kan, ilake don i, panaui i, ender kotilan im en madon o. 32 Ari, akai wia eu son en lokaia, a akai eu, pwe pokon o pinidar. A me toto re ’rail sasa karep en ar pokon pena. 33 Irail sikon san nan pokon o Aleksander; Sus oko me sikonla i. A Aleksander olol on irail, ap men sapen pokon o. 34 Irail lao asa, me i kisan Sus oko, re ap wiaki eu weriwerada auer riau: Meid lapalap Diana en men Episus! 35 A saunintin en kanim o lao kadukiedi pokon o, ap indada: Komail ol oko en Episus, is aramas, me sasa, me kanim en men Episus kin kaukaudoki on Diana lapalap o dikedik, me pupedi san nanlan? 36 A ma sota, me pan kak kalikame mepukat, komail en nenenla o der wiada me sapun! 37 Pwe komail ukedo ol pukat, me sota kin kuliada im en kaudok o, pil sota lalaue omail kot li. 38 A ma Demetrius o ian a kan mauki meakot ren amen, kapun ap pan wiaui, pwe saunkapun kai mia, ren kapukapun re ’rail. 39 A ma komail mauki eu son toror, i me pan kapunala nan kapun o. 40 Pwe kitail pan pukoki moron en ran wet, pwe sota karepen, me kitail en kapunki pokon wet ar tanatan pena. 41 A lao masani on irail mepukat, ap kadar pasan pokon o.

Copyright information for `PONPDN