Acts 3

A PETRUS o Ioanes wiaki on kotidalan nan im on kumlok ni auer en kapakap, auor kmlinui. A ol amen me tikida na a danidan, me kin wisikedo pwiledi liman wanim on im en kumlok, me ad a Iinan, ni ran karos, pwen wia poekipoeki ren me kin kolon on nan im en kaudok. A lao kilaner Petrus i Ioanes, ni ara pan kotilon on nan im en kaudok, ap poeki, pwen ale meakot. A Petrus i Ioanes masani i, ap masani on: Saradan kit! I ari saradan ira, kasikasiki, me a pan tunole meakot re ’ra. Petrus ap kotin masani: Sota ai silper de kold, a meakot mi re i, me i pan ki on uk: Ukida mar en Iesus Kristus en Nasaret o alu! I ari koledi pa a maun o kauada i, a na a o tikil en na ap madan kelailadar. Ap lusada o alu ian ira lan nan im en kaudok, masimasiok sili, kapikapina Kot. O aramas karos kilan a alialu sili o kapikapina Kot. 10 A irail asa, me i, me kin poekipoeki liman wanim linan en im en kaudok, irail pinkidar o poneponeki duen me wiaui on i er. 11 A ni a ian Petrus, o Ioanes, aramas karos puriamuiki, ap tan penan irail nan palank, me ad a palank en Salomo. 12 Petrus lao masani mepukat, ap kotin masani on pokon o: Ol en Israel, da me komail puriamui kila met? De da me komail kilekilan kin kit, likamata kit me kakelada i ni pein at kel de lelapok? 13 Kot en Apraam, o Isaak, o Iakop, Kot en sam atail akan kalinanada sapwilim a ladu Iesus, me komail panala o likidmaliela ren Pilatus ni a kileledier, me a pan lapwada i. 14 A komail likidmaliela me Saraui o, o me Pun, ap poeki lolap amen, en lapwa don komail. 15 A komail kamatalar tapin maur, me Kot kotin kaiasadar san ren me melar akan, kit kin saunkadede en mepukat. 16 Aki poson mar a, mar a ap kakelada men et, me komail kin kilan o asa, o a poson kare on i kelail melel wet mo omail karos. 17 Ari ri ai kan, i asaer, me omail sasa, me komail wiaki met, pil dueta omail saumas akan. 18 A ni mepukat Kot kotin kapwaiadar, me a kotin masanier ren saukop akan karos, me Kristus pan kalokolok. 19 Komail ari kalula o wukila, pwe dip omail akan en soredi san, pwe muein kamaur en pwaida san wasailen Kaun o. 20 A lao kotin poronedo, me loki on komail er: Iesus Kristus, 21 Me pan kotikot nanlan lao lel ansau, me meakaros pan punala, duen me Kot kotin masanier ren sapwilim a saukop saraui kan san mas kokodo. 22 Pwe pil Moses kotin masanier: Kaun omail Kot pan kaipwi on komail Saukop amen, ipwin ri omail akan dueta nai, i me komail en rona san meakaros, me a pan kotin masani on komail. 23 A iet me pan wiaui: Aramas karos, me kan peiki on saukop o, pan kasapokela san ren aramas. 24 A saukop karos irerokedo san Samuel, karos me padapadak pil kokoper duen ran pukat. 25 Komail sapwilim en saukop akan o en inau, me Kot kotin wiai on sam atail akan ni a kotin masani on Apraam: Kainok kuros nan sappa pan paieki anen kadaudok om. 26 Kot kotin porone don komail sapwilim a ladu mas ni a kotin molipe i; pwen kapaia kida komail, en kawuki san komail kuros dip omail akan.

Copyright information for `PONPDN