Acts 5

A ol amen ad a Ananias o a paud Sapira netikila sap eu, Ap okisan kisan pwain a, me a paud ian asa, o wado lu en moni, pwilikidi ni aluwilu en wanporon akan. A Petrus masani: Ananias menda Satan kadirela monion om, pwen likam on Nen saraui o okisan kisan pwain en sap o? Kaidin udan om, ma a sota pan netila? O kaidin insen om ni a netilar? A menda koe inauki on nan pein monion om mepukat? Kaidin aramas, me koe likam on, pwe on Kot. Ananias lao ronadar masan pukat, ap pupedi mela. A karos, me roneron mepukat, masakadar kaualap. A manakap oko ap udar, kidim pena i, wala san, sarepedier. Kadekadeo murin auer silu a paud pwarado, a sota asa, me wiauier. Petrus ap masani on i: Katiti on ia, ma koma netikila sap o ni pwain wet? A sapen: Ei i eta. Petrus ap masani on i: Menda koma inauki pena, en kasoneson Nen on Kaun o? Kilan, na en me saropedier om paud miermon wanim o, o re pan wa uk ala. 10 I ap madan pupedi ni aluwilu a mela. A manakap oko lau pedelon on, rap kilanada, me a melar, re ap wala san o sarepedi i impan a paud. 11 Lomui kaualap kipadi momodisou karos, o karos me roneron mepukat. 12 A kilel o manaman akan toto wiauiki lim en wanporon akan nan pun en aramas akan. Irail karos kot pena nan palank en samolo ni lamalam ta pot. 13 A sota amen san ren men liki kan kak pat on irail, pwe karos waune kin irail. 14 A me toto, me posonlar wuki on Kaun o irail me totoia, ni o Ii akan. 15 Irail wala me somau kan pon al akan, pwiliki irail edi pon pet, o ro akan, pwe mot en Petrus en lel on amen irail, a Iau kotido. 16 A toun kanim akan, me mi impa, pwaradon Ierusalem, wado me somau o me kalokolokki nen saut, akai, irail karos ap kelailadar. 17 A samero lapalap o karos me ian i, me pwin en sadusar, ap uda makar kida kaualap, 18 Koledi wanporon akan o ki irail la nan imaten. 19 A tounlan en Kaun o kotin ritinada wanim en imaten oko ni pon, o kotin kalua irail la liki masani: 20 Komail kola sansal mon aramas, padaki on irail nan im en kaudok duen masan kan karos en maur wet. 21 Irail lao ronadar met, rap sankonai on nan im en kaudok o kaweweda. A samero lapalap o ian oko ap kodo, eker pena kapun, o saumas en men Israel akan karos, o ilakwei on imaten o, pwe irail en wisikedo. 22 A ladu kan lao pwarado, rap diaradar, me re solar mi nan imaten o, re ap purodo katitiki, 23 Indada: Se diaradar imaten a ritidier mau, o pwin silepa ar uda mon wanim oko, a se lao ritinadar, sota amen me se diar lole. 24 A kapin en im en kaudok, o samero lapalap akan lao ronada duen lokaia pukat, re ap ponepon kidar o sota asa, da imwin mepukat. 25 Amen ap pwarado kaire kin irail: Kilan, ol oko, me komail kilan nan imaten, u nan im en kaudok, padapadaki on aramas akan. 26 Kapin ianaki ladu kai ap koieila uk irail do, a re kadek on irail, pwe re masak aramas akan, pwe re de kate irail. 27 Irail wa ir do, ap kidi on mon kapun o, a samero lapalap idok re ’rail. 28 Masani: Kit so inapwi komail edi kaualap, me komail ender kawewe ni mar wet? A kilan, komail kadire kila Ierusalem omail lamalam o, o komail kin men kapokon on kit ntan aramas men et. 29 Petrus o wanporon akan ap sapen masani: Kitail en oke Kot mon aramas. 30 Kot en sam atail akan kaiasadar Iesus, me komail kamatalar, pwe komail pasuredier I on ni lopu eu. 31 Nan i me Kot kotin kasapwila kidar pali maun a, pwen Kaun o Saunkamaur, pwen kotiki on men Israel, en kalula o lapwa pan dip akan. 32 A kit me sapwilim a saunkadede ni mepukat, pil Nen saraui me Kot kotiki oner ren me peiki on i. 33 Irail lao ronadar met, re ap linaranar kaualap o kapikapiki pena, en kame ir ala. 34 Amen ap uda nan kapun o, Parisar amen ad a Kamaliel, saunkawewe amen, me masamas ren aramas karos, me masani, ren kila liki ol oko ansau kis. 35 A masani on irail: Ol en Israel komail, kalaka aramas pukat, me komail pan wia! 36 Pwe ni ran tei ko Teudas udar ponmasoki, me a me lapalap, a ol impan papuki ianala i, I ari kamelar o karos, me peiki on i, muei pasan o soredier. 37 A murin ol o Iudas en Kalilaa ap uda ni ansaun wadawad o kaweid sapun aramas toto, ren tuki on i. Ari, a pil melar o karos, me ian i, muei pasaner. 38 I ap panaui komail, en sopwei san aramas pukat, o der doke irail, pwe ma lamalam o wiawia en me ren aramas, a pan soredi, 39 A ma ren Kot, komail sota kak kawe ir ala, pwe komail de kadiarokada, me kin palian Kot. 40 Irail ari peiki on i. Re lao ekeredo wanporon akan o woki irail, re ap inapwiedi, ren der padak ni mar en Iesus, o kadar ir ala. 41 Irail ari koiei san ni momod en kadeik o, o peren kida, me re war on kamekameki mar a. 42 A ran karos re sota dukedi san arail kawewe nan im en kaudok o nan deu arail akan, o re padapadaki me Iesus me Kristus.

Copyright information for `PONPDN