Acts 8

A SAULUS pil peren kida a kamela. A ni ran ota ansaun kamekam en momodisou en Ierusalem tapida; karos ap muei pasan nan sap en Iudaao Samaria, wanporon akan me so. A ol lelapok kai sarepedi Stepanus o maieiki i kaualap. A Saulus me kamueit pasan momodisou o kuli on im karos, wala ol o li karos, kasedi on irail nan imaten. A irail me muei pasaner, kakan sili padapadak duen masan o. Pilipus ap kotilan kanim en Samaria eu o padaki on irail duen Kristus. A aramas akan wiaki eu peiki on meakan, me Pilipus padaki on irail. Re roneron i o kilan kilel akan me a wiadar. Pwe nen saut keredi san ren me toto ni ar weriwer laud. O me kokon madak o na danidan toto me kelailadar. O peren me lapalap nan kanim o. A ol amen ad a Simon, me kin wun ani mas o, kotokotaue men Samaria, me inda duen pein i, me i me lapalap. 10 A irail karos peiki on i, me tikitik o me lapalap akan katitiki: Men et iei manaman en Kot me lapalap. 11 A re kin peiki on i, pweki a kin kotokotaue irail san mas kokodo. 12 A re lao kamelele Pilipus, me padaki duen ronamau en wein Kot o duen mar en Iesus Kristus, rap paptaisela, ol o li akan. 13 Simon pil ian posonlar, I lao paptaiselar, ap waroki on Pilipus. A lao udial kilel o manaman akan, me wiauier, ap puriamuiki. 14 Wanporon akan me kotikot Ierusalem lao mani, me Samaria ian duki on masan en Kot, rap poronelan irail Petrus o Ioanes. 15 Ira lao kotido, ap kapakapa kin irail, pwe re en tunole Nen saraui. 16 Pwe a saikenta moredi on amen irail. Re paptaiselar eta ni mar en Kaun Iesus. 17 Ira ari kotiki on po ’rail lim ar akan, irail ap aleer Nen saraui. 18 Simon lao kilaner, me Nen saraui kokido en wanporon oko ara pwil po ’rail lim ar akan, ap men ki on ira kisin moni. 19 Indada: Koma pil kotiki don ia manaman wet, pwe ma I pan pwiI pon amen pa i kat, i en ale Nen saraui. 20 A Petrus masani on i: Noum moni en ian uk lokidokila! pweki om kiki on, me mana en Kot kokido moni. 21 Nan sota pwais om de om tunol ni dodok wet, pwe monion om sota inen mon Kot. 22 Ari, kalukila om sued wet, poeki ren Kaun o, ma a sota pan kotin makeki lamelam sued nan monion om. 23 Pwe i kilaner, me koe me dir en edi katik o teniten ni me sapun. 24 Simon ap sapen indada: Koma kotin kapakapa kin ia ren Kaun o, pwe mepukat, me koma masani on ia, ender pwai don ia. 25 A ira lao katitiki o kotikida masan en Kaun o, ap purelan Ierusalem, o padak sili ronamau nan kisinkanim en Samaria toto. 26 A tounlan en Kaun o masani on Pilipus: Uda kola pali air pon al o, me kodi san Ierusalem, ko on Kasa me tan! 27 I ari uda sapalewei. A kilan, ol en Etiopia, saumas manaman en Kandase, li nanmarki en Etiosiia, me kokoaki a dipisou karos, mo kotido, pwen kaudok nan Ierusalem. 28 A ni a purela sap we, a kotikot pon dakepa o dondoropwe saukop Iesaia. 29 Nen o ap kotin masani on Pilipus: Kai on o ianala dakepa! 30 Pilipus ap tana won i, ap ronadar a dondoropwe saukop Iesaia masani: Komui weweki, me komui doropwe? 31 I ari masani: Pala i pan asa, ma sota, me pan kawewe on ia? I ari poeki ren Pilipus en kereda mondi re a. 32 A iet wasa nan kisin likau o me a wadoker: Duen sip amen, me pakara wei, pwen kamela, o duen sippul, me kin nenenlata pan me kote san wun a, iduen a sota kotin dauasa pasan silan i. 33 A ni a karakarak a solar pakadeikadar. A is me pan kak kaweweda duen sau i kan? Pwe a ieias wisike saner sappa. 34 Saumas ap sapen Pilipus masani: I men poeki re omui, is me saukop katitiki met? Duen pein i de duen amen? 35 Pilipus ap kotiki pasan au a, padaki on i ronamau en lesus, tapiada nan kisin likau wet. 36 A ni ara kokowei, ira lel on pil apot, a saumas o masani: Kilan pil o, da me karompa, me I sota paptais ki? 38 I ap masani dakepa en udi. Ira karos ap kodi on pil o, Pilipus o saumas o; i ari paptais i. 39 Ira lao kodado san nan pil o, Nen en Kaun o ap pokada san Pilipus. Saumas o ap solar kilan i. I ari daulul kokowei popol. 40 Pilipus ap diarokadar Asdod; a dadaulular, padak sili ronamau nan kanim karos lao a lele don Sasarea.

Copyright information for `PONPDN