Colossians 3

ARI, ma komail ian Kristus iasadar, en rapaki me pali poa kan, wasa Kristus kotikot ia ni pali maun en Kot. Inon ion me mi pali poa a kaidin me mi nin sappa. Pwe komail melar, o maur omail rirlon Kristus ren Kot. Kristus, iei maur atail, lao pwarado, kitail pan pil ian i pwarado ni linan o. Komail ari kamela kokon omail, me mi sappa: Nenek, samin, tiak sued, inon sued, norok kapwa, pwe iei kaudok sued. Pweki mepukan onion en Kot kin lel on seri sopeik kan. Me komail pil kekeideki mas o, ansaun omail akmemaurki. A metet komail pwilikidier meakaros: Makar, linaranar, katantat, lalaue, kasoi kasaut nan au omail; Ender likam nan pun omail, pwe komail pwilikidier aramas marin ianaki a wiawia kan, 10 Ap aleer me kap, me wilikapadan lolekon duen mom en me kausedar i. 11 Wasan sota men Krik, sota Sus, sota sirkomsais, pil sota sosirkomsais, sota men liki, sota Site, sota ladu o sota me maioda men, a Kristus eta me kotikot ni karos. 12 Pwil po omail duen en Kot a pilidar akan, me saraui o kompok, limpok en nan monion, o kadek, o karakarak, o opampap, o kanonama, 13 Apwali amen amen, o mak pena, ma amen kainsensuedi amen, duen Kristus kotin mak on komail er, iduen komail. 14 O moneki limpok, me ora pena kamau pokon. 15 O popol en Kristus en kaunda nan monion omail, me komail pil paeker pena ni war ta ieu, o komail danke. 16 Komail nantion dodokiki masan en Kristus nan pun omail ni lolekon karos; padapadaki o panapanaui komail pena, ki psalm, o kaul en kapin, o kaul nenin, o kakaul on Kot nan monion omail ki mak. 17 O karos, me komail kin wia ni lokaia, o wiawia kan, en wiada ni mar en Kaun Iesus, o danke Kot o Sam pweki i. 18 Komail li akan udi on omail warok kan ni Kaun o, duen me kon on. 19 Komail ol akan, pok on omail warok kan o der makar pa ’rail. 20 Komail seri kan, peiki on me wia komail da ni meakaros, pwe i me kon on Kaun o. 21 Komail sam akan, der kamakar mal noumail seri kan, pwe ren der san komail la. 22 Komail ladu kan, peiki on omail saumas ni uduk ni meakaros kaidin ni dodok mon aramas, pwen konekon ren aramas, a ni impimpai en monion o, o lan Kaun o. 23 O karos, me komail wiada en lolin on wiada, dueta on Kaun o a kaidin on aramas akan. 24 Ap asa, me komail pan ale katin en soso ren Kaun o, pwe komail kin papa Kaun Kristus. 25 A me wia sapun, pan pein pukoki sapun me a wiadar pwe Kot sota kin lipilipil aramas amen.

Copyright information for `PONPDN