Ephesians 6

KOMAIL seri kan peiki on me wia komail ada pan Kaun o, pwe i me pun. Kakaki sam om o in om, iei tapin kusoned, me inaupa mia, Pwe koe en insenemau o pil maur warai nin sappa. Komail sam akan der kamakar mal noumail seri kan, kakair irail ada ni kaian mau o panau on Kaun o. Komail ladu kan en oke omail saumas akan ni pali uduk ni masak o rerer o pil ni tiak en karakarak en monion omail dueta on Kristus. Kaidin sansal mon aramas eta, pwen konekon re ’rail, a en dueta ladu en Kristus, me kin pereperen wiawia kupur en Kot san monion omail. O komail en papa mau, pwe on Kaun o, a kaidin on aramas akan. Pwe komail asa, me mau kot, me amen pan wiada, Kaun pan katini on i sota lipilipil is i, ma ladu de me maioda amen. O komail saumas akan en wia dueta on irail, o der sakone irail, pwe komail asa, me arail o pil omail Saumas kotikot nanlan, o a sota kotin lipilipil aramas amen. 10 Ikmuri ri ai kan komail kelaileki Kaun o ni a manaman. 11 Purion tatan mauin karos en Kot, pwe komail en kak kelail palian tewil a widiwidin kan. 12 Pwe kaidin uduk o nta, me kitail en pei on, a on saupeidi o manaman akan, o on saumas en sappa kan, me kin kakaunda nan rotorot wet, o on kaun nenin en lan akan. 13 Ari, pweki mepukat komail en ale tatan mauin karos en Kot, pwe komail en kak kelail ni ran sued, o kasinenda murin omail kapwaiadar meakaros. 14 Komail ari kasinenda, luke pamail en katenetenki melel o pereki pere pan maramara me pun. 15 O na omail en kitekit pena, pwen onop on wa sili ronamau en popol. 16 A pil eu pan ko on mepukat: Komail ale perepa en poson, pwen kakun kila katieu kisiniai en me sued o. 17 Komail pil ale lisorop en kamaur o kodlas en Nen, me masan en Kot. 18 O podidi on kapakap o wia poekipoeki. Nidinidiki Nen ni meakaros. O masamasan, o poden kapakapaki saraui kan karos. 19 O kapakapa kin ia, pwe i en nil meledok o au ai en sar a pasan ai ainar en kaweweda me rir en ronamau. 20 Me nai saunpadakepa, me salidier, pwe i en kelail on padapadaki, duen me kon on. 21 A pwe komail en asa ir ai kan, o me i kin wiada, ri atail kompok Tikikus o papa lelapok en Kaun o, pan padaki on komail meakaros. 22 I me i kadarala, pwe komail en asadar ir at akan, o pwe i en kamait monion omail. 23 Popol on ri atail, o limpok ianaki poson san ren Kot Sam o Kaun Iesus Kristus! 24 Mak en mimi ren karos, me kin pok on atail Kaun Iesus Kristus kokolata!

Copyright information for `PONPDN