Hebrews 1

MURIN masan toto, me Kot kotin kadedeki saukopakan ni tapin kuua on sam atail akan, A ni imwin kaua o ran pukat, a kotin masan kidon kitail Na, me a kotin kasapwilada, pwen sosoki meakan karos, o me a kotin wia kida wei pokon, Me kisan a linan o wewe mau on mom a, o kotin kaun kida meakoros a masan manaman, a lao kotin kamakelekele ki san dip atail ki pein I, ap kaipokidi ni pali maun en Kaun Lapalap poe. I me a lapalapalar kaulap san tounlan kan, pwe a aleer mar eu, me lap san mar arail. Pwe is ren tounlan kan, me a kotin masani on: Koe nai Ol, ran wet I kaipwi ukadar? O pil eu: I pan wiala Sam a, o a pan wiala nai Ol? O pil eu: A lao pan pil kare don sappa Meseni o, a kotin masani: Tounlan en Kot karos pan poni i. A duen tounlan kan a kotin masani: A wiaki sapwilim a tounlan kan man en kadar o a papa kan umpul en kisiniai. A duen Sapwilim a a kotin masani: Mol omui, Main Kot, pan potopot eta. O sokon en pun, iei sokon en wei omui. Komui pok oner me pun, ap kailonki tiak sapun; iei me omui Kot keie kin komui Main Kot, potik kaperen, pwen lapa san nanmarki kan karos. 10 O pil eu: Komui Main pasonedier sappa nin tapi o, o lan akan wiawia en lim omui kan. 11 Irail pan momela, a komui pan kotikot eta, o irail karos pan marinalar dueta likau eu, 12 Komui pan kotin wilitik ir pena dueta likau eu, o irail pan wukila, dueta likau eu; a komui pan duedueta o omui par akan sota pan rosela. 13 A is ren tounlan kan, me a kotin masani on: Mondi on ni pali maun i, I lao kaloedi om imwintiti kan pan na om? 14 Kaidin irail karos nen en men papa me kin pakadarala pwen papa irail, me pan sosoki maur soutuk?

Copyright information for `PONPDN