Hebrews 10

PWE kapun o iei motan dipisou en mur, a kaidin pein mom en dipisou, a sota kak kaunsok kilar mairon ota irail, me kin wia ir ada ni par karos. A ma iei, arail mairon pan dukedi, pwe solar kataman pan dip en irail, me apwali mairon; Pwe mepukat kin wiaui, pwen katamanda dip ni par karos. Pwe ntan kau ol o kut sota kak wa san dip akan. Ari, ni a kotin pwara don sappa, masani: Mairon o kisakis komui sota kotin mauki, a komui kotiki on ia er pali war ai. Kom sota peren kida mairon isis o mairon men tom. I ap inda: Kilan, I kokodo, nan puk o me intinidier duen nai, pwen kapwaiada kupur omui, Main Kot. Mas a masanier: Mairon, o kisakis, o mairon isis, o mairon men tom, kom sota kotin mauki, o kom sota kupur peren ki mepukat, me wiauier duen kapun o. Ap pil masanier: Kilan, I pwara don kapwaiada kupur omui. A kotiki san men mas, pwen kapwaiada men mur. 10 Ni kupur wet kitail kasarauilar ki mairon en war en Iesus Kristus pan me pak. 11 Samero karos me kasapwiladar, pwen apwali dodok ni ran karos o purepure mairon ota, me so kak lapwada dip akan. 12 A men et, me kotin maironki pan mepak dip akan, ap kaipokedi ni pali maun en Kot kokolata. 13 O a kotin auiaui, lao a imwintiti pan wiala utipan aluwilu a kan. 14 Pwe a kotin kaunsokila tom ta ieu karos, me pan kasarauila. 15 Nen saraui pil kotin kadede on kitail duen mepukat, pwe murin a kotin masanier: 16 let inau, me I pan wiai on irail murin ran pukat, me Kaun o kotin masanier: I pan ki on monion arail ai kapun, o I pan intiniedi on nan nen arail. 17 Dip arail, o arail sapun kan I solar pan tamanda. 18 A ma re lapwadar, ap solar mairon en dip pan wiaui. 19 Ari ri ai kan, ma a muei on kitail er, en pedelon on nan pera saraui ki ntan Iesus, 20 Pwe a kotin wiai on kitail er al en maur kap pot et lel pali lan likau ki uduk a. 21 A ma atail samero kasampwal en tanpas en Kot mia. 22 Kitail ap pan pwaralan i ni melel en monion atail, o poson melel, o usupeki monion atail, o maio san insen sued, o widenki pil makelekel war atail, 23 O kitail en tenedi on atail kadede en kaporopor o kder wukiwuk sili, pwe i me melel, me kotikida inau o. 24 O kitail en apwali nan pun atail ni atail kainon ion limpok o wiawia mau kan. 25 O kitail ender dukedi san atail mod on kandok pena, duen me kin wiaui ren akai. A kitail en nantion panau pena, pwe komail kilan, me ran o me korendor. 26 Pwe ma kitail inon ion wia dip, murin atail marainiki melel, solar mairon men tom ki dip atail, 27 A kitail pan mimieta ni atail masak kadeik apwalia o onion en kisiniai, me pan karosela imwintiti kan. 28 Ma amen pan tiakedi kapun en Moses, a sota pan diar mak, pwe a pan kamela, ma saunkadede riamen de silimen mia. 29 Ari, da me komail lamelame, duen me pan tiakedi Sapwilim en Kot, o kasaminela ntan inau kap, me a kasarauilar o lalaue Nen en mak, a so pan kalokolok laud san irail? 30 Pwe kitail asai, me masanier: Ikepa ai dok, I pan depuki on. O pil eu: Kaun o pan kotin kapun on sapwilim a aramas akan. 31 Nan meid kalom, en lodi on ni lim en Kot ieias. 32 A komail tamanda ran en mas oko murin omail marainlar, ap dadaurata ni omail kalokolok laud. 33 Ni omail kenkaurur sansal o pan kidau o kamekam, o ni omail riane kin ir, me pil lel mosued. 34 Pwe komail ianaki me salidi kan ni ar kalokolok, o komail pil pereperen ni omail kapwa kan kulia wei san, pwe komail asa, me komail asa, me komail aneki dipisou en lan, me mau san o me sota pan sorala. 35 Komail ari der kasela omail liki, me pan kareda katinpa Iapalap. 36 Pwe kanonama me mau on komai, pwen kapwaiada kupur en Kot o konodi inau o. 37 Ansau tar kis, me onoper pan pwarado, a sota pan pwand. 38 A me pun o pan maureki poson, a nen i sota pan peren kida, ma a pan pure wei san. 39 A kitail sota kisan ir, me pure wei san, ap lokidokila, a kisan irail, me kin poson ap kamaurr nen arail.

Copyright information for `PONPDN