Hebrews 3

ME, ri ai saraui kan, komail me pwaisanekier en lan a eker, komail madamadaua duen wanporon o samero lapalap en atail lamalam: Iesus. Me melel on i me kasapwilada i dueta Moses me melel wasa karos mi nan tanpas en Kot. Pwe linan en Ol menet me lapa san linan en Moses, dueta dueta amen, me wiadar im eu, me kaka san im o. Pwe im karos wiauieda ren aramas amen, a me wiadar meakan karos, mi karos, iei Kot. A Moses me melel ni a koaki tanpas en Kot, dueta papa amen, pwen saunkadede en meakan me pan lokido. A Kristus me udan Na, ap melel nan pein tanpas a. A tanpas a iei kitail, ma kitail kolekoleta poson o peren en kaporopor lau lel imwi. I me Nen saraui kotin masani: Ran wet, ma komail pan ron kapitie, Komail der kapitakaila monion omail, due ni ansau en kaonion ni ran en soneson nan sap tan. Wasa me sam omail akan kakaudud o kasoson ia o irail kilaner ai wiawia kan saunpar paeisok. 10 Iei me I makaraki pan ti o, ap inda: Monion arail kin poden sapunla. A irail solelapokki ai al akan. 11 Iei me I kaukila ni ai makar: Irail sota pan konodi ai moleilei. 12 Kalaka ri ai kan, pwe monion en amen de suedela, ap so poson o muei wei san Kot ieias. 13 A komail panau pena ran karos arain omail kak inda: Ran wet; pwe amen de kapitakai kila widin en dip. 14 Pwe kitail wialar kisan Kristus, ma kitail kolekoleta tapin atail liki lao imwisokela. 15 Duen a lokido: Ran wet, ma komail pan ron kapitie, komail de kapitakaila monion omail, due ni ansau en kaonion. 16 A is irail, me kaudud on i ni ar ronadar? Kaidin irail karos, me ko wei san Akipten ren Moses? 17 A is irail, me a kotin onion kidar par paeisok? Kaidin irail, me wiadar dip, me war arail pupedi nan sap tan? 18 A is irail, me a kotin kaukila, me re sota pan konodi a moleilei? Kaidin irail eta, me sota peiki on i. 19 Ari, kitail diarada, me re sota kak, konodi, aki ar so poson.

Copyright information for `PONPDN