Psalms 1

MEID pai ol o, me sota alialu ni padak en me doo sang Kot akan o me so duki ong me dipan akan, o me so mondi ren me malaun akan,
A me kin peren kida kapung en leowa o madamadaua duen a kapung ni ran o ni pong!
A rasong tuka pot, me padedier ni kailan pilap akan me kin kapareda wa ni a ansau, o ta kan sota kin mongala, a karos a wiawia pwaida.
Me doo sang Kot akan sota kin dueta, a re rasong dip me an kin iririp sili.
I me doo sang Kot akan sota pan pwai kida nan kadeik, o me dipan akan nan momod en me pung kan.
Pwe leowa kotin mangi al en me pung kan; a al en ir, me doo sang Kot akan, pan soredi.
Copyright information for `PONPDN