Psalms 101

I pan kauleki duen kalangan o pung; i pan kauleki psalm akan ong komui. Maing leowa.
I men inen eweita ni al pung iad kom pan koti don ia? i men weweid ni melel ren toun im ai.
I sota men wia morsued; i tataki wiawian me dipan akan, a sota pan pat ong ia.
Mongiong sapung pan muei sang ia; i sota men asa duen me sued.
Me kin rir karaunemali men impa, i pan kamela; i suedeki me aklapalap ni mas ar o mongiong arail.
Mas ai pan apapwali me melel akan nan sap o, pwe ren kauson re i; me kin weweid ni al pung, pan papa ia.
Me kin kotaue, sota pan kauson nan im ai, me kin likam, sota pan pwaida mon mas ai.
Ni mansan karos i pan kawela me katiwo nan sap o, pwen kokosan kanim en leowa karos, me kin wia sapung.
Copyright information for `PONPDN