Psalms 102

IEOWA, kom kotin ereki ai kapakap, o ai weriwer en lel ong komui!
Kom der kotin karirala silang ir mo i ni ran en ai apwal; kom kotin kapaike dong ia karong omui kan; ni ran o, me i likelikwir, kom kotin mangi ia madang!
Pwe ai ran akan kin tangwei dueta adiniai, o kokon ai kan rongalar dueta nan kisiniai.
Kapedi mongedier dueta ra, I me i monoke kila ai mangamanga.
Kokon o uduk ai mong penaer pweki ai weriwer o sangesang.
NGai rasong pelikan nan sap tan, o rasong daap nan wasa liseliping.
I kin papad o rasong manpir kelep amen, me mondi pon os en im o.
Ai imwintiti kin lalaue ia sang ni mansang lel ni sautik, o me palian ia, kin kaula kin ia.
Pwe i kin kangkang pas dueta prot, o lim ai pil kin doloki pil en mas ai.
10 Pweki omui ongiong o ongiong melel; pwe kom kotin pok ia da, ap kase ia di.
11 Ai ran akan tangwei dueta mota, o i mongedier dueta ra.
12 A komui Maing leowa pan kotikoteta kokolata, o kupur omui pan sang eu kainok lel eu potopoteta.
13 Kom pan kotida o kupurela Sion, pwe ansau leler, mo kom pan kotin mak ong i, a auer leler.
14 Pwe sapwilim omui ladu kan kin pok ong takai (en Sion), o re insensuedeki moan im akan,
15 O men liki kan pan masak mar en leowa, o Nanmarki en sap akan karos omui lingan.
16 Pwe leowa kotin kauadar Sion. A kotin pwarada ni a lingan.
17 A kotin wukedoke dong kapakap en me samama o, o a sota kotin mamaleki a kapakap.
18 Mepukat pan kileledi ong kainok en mur akan; o wei eu, me pan wiaui, pan kapinga Ieowa.
19 Pwe a kotin irerong sang mol a saraui ileile; Ieowa kotin irerong sappa san nanlang.
20 Pwen ereki sangesang en me salidi kan, pwen lapwada, me kiledi onger kamela.
21 Pwe mar en Ieowa en lolok sili nan Sion, o a kapingapa nan Ierusalem.
22 Kainok kan lao pokon pene o wei kan, pwen papa ong Ieowa.
23 A kotiki sanger ai kelail pon al o, a kamotemotelar ai ran akan.
24 I potoan ong: Ai Kot, kom der kotikiwei sang ia ni apali en ai ran akan. Omui par akan kin sang eu kainok lel eu kokolata.
25 Kom kotin kasonedier sappa mas o, o lang pokon me dodok en lim omui.
26 Irail pan sorela, a kom pan kotikot eta. Irail pan maringala rasong tuk en likau eu. Kom pan kotin kawuk ir ala likamata likau eu, irail ap pan wukila.
27 A kom pan deudeuta o ansaun omui roson sota pan tukedi.
28 Nain sapwilim omui ladu kan pan mimieta, o kadaudok a pan pwaida re omui.
Copyright information for `PONPDN