Psalms 104

NGEN i kapinga Ieowa! Ieowa ai Kot, komui meid lapalap, komui me kapwateki lingan o manaman.
Sapwilim ar likau iei marain, me komui kot lole; kom kotin pak pasang nanlang dueta likau eu.
Kom kin kotin wia kida pil pali poa en ponepon, a tapok kan wiala tan war omui, me kom kin kotikot sili ki pa en ang.
Kom me kotin wia kila sapwilim omui tounlang kan kisiniang o sapwilim ar ladu kan umpul en kisiniai.
A kotin kasonedier sappa pon a pason, a sota pan mokid kokolata.
Kom kotin kadupale kidi i dueta likau eu, pil akan ileilada sang nana kan.
Re tang wei mon ar masan, re madang wei mon ngil en omui nansapwe.
Nana kan kokodar, a wau kan kokodier ong wasa, me kom kotin kileledier ong ir.
Kom kotiki ong ir irair eu, me re sota pan dauli wei; re solar pan pur ong kadupaledi sappa.
10 Kom kin kotin wiada, parer en kusukusda nan wau kan; re kin pwilipwil wei nan pung en nana kan.
11 Re kotin kanim pileda man en nan sap akan o man en nan wei.
12 Manpir en pan lang kin kaukauson ni kail a, re kin kakaul nin tuka kan.
13 Komui me kin kotin kanim pileda nana kan sang sapwilim omui pera poa. Kom kin kotin kadire kila wa kan sappa, me kom kotin wiadar.
14 Komui me kotin kawosadang man akan ra, o wan tuka me mau ong aramas, pwen kapwareda sang nan pwel mana ong aramas akan.
15 O wain en kaperenda mongiong en aramas, o le en kalinganada mas en aramas, o prot en kakelada war en aramas.
16 Sapwilim en Ieowa tuka kan pan medila, seder en Lipanon akan, me a kotin padukedier.
17 Wasa manpir kin pas kin ia, o raier kauson nan seder.
18 Nana ileile iei deun kemso, a paip akan deun repit en wel.
19 A kotin wiadar saunipong i, pwen kilelekidi ansau kan, ketipin asa wasa me a pan kirila ia.
20 Kom kin kotin wiada pong, man en nan wel rap mokidada.
21 Laien pulepul weriwerki kan arail manga, re kin idok ren Kot, me re pan kan.
22 Katipin lao dakada, re kin purela wonon nan por ar akan.
23 Aramas ap kolang ar dodok, wia sapasap lel nin sautik.
24 Maing leowa, ar wiawia kan me dodok melel! Kom kotin kasone irail di ki omui erpit o sappa me direki sapwilim omui dipisou kan.
25 Madau me kalaimun o dalap in pali karos; i wasa me dir en mam, me sota kak wadawad, man tikitik o kalaimun.
26 I wasa me sop akan kin tangatang ia, o walros, me komui kotin wiadar, kin madomadong lole.
27 lr karos kin auiaui komui, pwe komui en kotin katungole kin ir kan arail ni ar ansau.
28 Kom kin kotiki ong ir, rap nanak pena; komui kotiki pasang lim omui, rap pan medi kila me mau kan.
29 Ni omui pan karirila silang omui, rap pan masapwekada, kom kin kotiki sang ir angiang arail, rap pan mela o purelang ar pwel par.
30 Kom kin kotin kadarala ang omui, ran pan wiauiada, o komui kin kawilikapada mas en sap o.
31 Lingan en leowa pan duedueta. leowa pan kotin peren kida sapwilim a wiawia kan.
32 A lau kotin irerong toun sappa, sappa ap rerer; a lao kotin sair nan kan, rap adida.
33 Arain ai maur i pan kakauli ong Ieowa, o arain ai mi sappa er, i pan kauleki psalm kan ong ai Kot.
34 I men, ai kasokasoi en kaperenda kupur a; i pan polauleki leowa.
35 Me dipan akan en niki sang sappa, o me doo sang Kot akan en sola mia. NGen i kalingaila leowa! Aleluia!
Copyright information for `PONPDN