Psalms 109

MAING Kot, me i kin kapikapinga, kom der kotin sapaimokid!
Pwe au en me doo sang Kot, o me kin kotaue sara dong ia, re lokelokaia ong ia ki lo likam.
Re lokaia sued ong ia wasa karos, o pei ong ia ni so karepa
Ni ai pok ong ir, re kin imwintiti ong ia; a ngai kin poten kapakap.
Irail depukki ai me mau me sued, o re kin tata kin ia ni ai pok ong ir.
Kotin kasapwiladang i me doo sang Kot amen, pwen a saunkapung o me palian I, en mi ni pali maun a.
Ma a pan pakasau, a pan pakadeikada, pil a kapakap en kadipala i.
A ran akan en malaulaula, o a koa en ko ong amen.
Na seri kan en sapoupou, o a paud en li odi amen.
10 Na seri kan en sansarwaru sili o wia poekipoek, o re rapaki kan ar manga, doo sang nan moan im arail.
11 Me norok moni en pitia sang i a meakoaros, o men wai en kulia sang i a dipisou kan.
12 O sota me pan kadek ong i, o sota me pan sausa na sapoupou kan.
13 Kadaudok a en kokoka sang; o mar arail en niki sang nin di kaieu.
14 Sapung en sam a ko en sansal mon Ieowa, o dip en in a ender lapwada.
15 Ieowa en kotin masamasan irail asau karos, o kataman parail en niki sang in sappa.
16 Pweki a sota man kadek, pwe a pakipaki me luet o samama, o me insensued, pwen kamela i.
17 O a inong iong en riala; ari en lel ong! O a sota insenoki kapai, ari, en doo sang i!
18 A kapwateki me sued duata a likau, ari me sued en kolon lole dueta pil o nan kokon akan dueta le.
19 Me sued en rasong a likau pup, me a kin likauwiada, o rasong men pirapir me a kin pirapireki.
20 Iduen Ieowa pan kotin pwain on me palian ia, o me kin lokaia sued duen ngai. 21 A komui, Maing Ieowa ai Kot kotin wiawia ia, pweki mar omui; pwe omui kalangan kasampwal, dore ia la!
22 Pwe ngai me luet o samama, o nan mongiong i olar.
23 I kin tanwei dueta mota, o i pan kamasak wei dueta mansiek amen.
24 Na i kat luete kilar kaisesol, o uduk ai tikitikilar;
25 O i wialar men lalaue re ’rail; ni ar kilang ia, re kin due duailok!
26 Maing Ieowa, ai Kot, kom kotin dore ia la duen omui kalangan!
27 Pwe ren asa, mepukat tapi sang ni lim omui, me komui Ieowa kotin wiadar mepukat.
28 Menda, ma re lalaue, kom kotin kapai ia da. Ma re palian ia, ren namenokala, pwe sapwilim omui ladu en pereperen.
29 Re kotin wiai ong ai imwintiti, ren likau kida namenok, o ren puriong nan me sued dueta likau pup.
30 I pan danke Ieowa melel ni au ai, o i pan kapinga i nan pung en me toto.
31 Pwe a kotikot ni pali maun en me samama, pwen dorela i sang ir, me kadeikada i, en kamela.
Copyright information for `PONPDN